DashiSot fuqitë tuaja bindëse janë në nivelin më të lartë. Kjo është një ditë e mirë për t&eu...
BOTA
Ishin shpallur të humbur nga 25 marsi, gjenden trupat e tre ushtarëve amerikanë që ishin me mision në Lituani
E.DPërditësimi i fundit 31 Mars 2025, 17:45
LITUANI- Tre nga katër ushtarët amerikanë që u zhdukën në Lituani kur automjeti i tyre ra dhe u fundos në një moçal u gjetën të vdekur menjëherë pasi shpëtimtarët arritën të nxirrnin automjetin e tyre në sipërfaqe.
"Tre ushtarë të Ushtrisë Amerikane që shërbenin me Ekipin Luftarak të Brigadës së Parë të Blinduar, Divizioni i 3-të i Këmbësorisë, u gjetën të vdekur në Lituani," thuhet në një njoftim për shtyp nga Ushtria Amerikane në Evropë dhe Afrikë, duke shtuar se kërkimi për ushtarin e katërt është në vazhdim.
Katër amerikanët, të cilët kishin qenë në Lituani për dy muajt e fundit po merrnin pjesë në stërvitje ushtarake në një terren trajnimi në Pambrante, një qytet afër kufirit me Bjellorusinë. Më herët ministri lituanez i Mbrojtjes bëri të ditur se mjeti i blinduar me të cilin po udhëtonin ndodhej në një zonë kënetore dhe u gjet.
"Automjeti është gjetur”, ka shkruar në rrjetet sociale kreu i Forcave të Armatosura të Lituanisë, gjenerali Raimundas Valksnoras.
Ai kërkoi respektin dhe solidaritetin e të gjithëve në pritje të më shumë informacioneve, veçanërisht për fatin e të zhdukurve.
“Pala amerikane do të bëjë një njoftim publik kur të ketë të gjitha informacionet e nevojshme dhe vetëm pasi të njoftojë familjet e ushtarëve”, theksoi ai.
Autoritetet lituaneze u njoftuan më 25 mars për zhdukjen e ushtarëve amerikanë. Që atëherë, një operacion i madh shpëtimi lituano-amerikan ka qenë duke u zhvilluar, duke përfshirë qindra njerëz dhe pajisje të rënda. Me kërkesën e Vilniusit, Polonia dërgoi një njësi prej 150 ushtarësh dhe specialistësh.
Makina e blinduar e zbulimit M88 Hercules e përdorur nga katër ushtarët u gjet të mërkurën, më 27 mars. Sipas ushtrisë amerikane, ajo u gjet në një thellësi prej rreth 4.5 metra nën një shtresë uji dhe balte, duke e bërë jashtëzakonisht të vështirë nxjerrjen e saj.
