E bija e dëshmorit të UÇK, Tahir Sinani, Rugova Sinani ka reaguar ashpër pas publikimit nga Taulant Balla të një dokumenti t&eum...
BOTA
Ka pasur jetë në të kaluarën?!/ Dy zbulime të mëdha të NASA-s në Mars po shokojnë studiuesit!
PiranjatPërditësimi i fundit 6 Prill 2026, 13:19
Zbulime të reja nga misioni i NASA-s në Mars po forcojnë hipotezat për ekzistencën e kushteve të favorshme për jetë në të kaluarën e planetit të kuq. Roveri Perseverance, mjeti robotik i NASA-s që nisi kërkimet për shenja jete më 18 shkurt 2021 në kuadër të misionit Mars 2020, ka sjellë një tjetër rezultat të rëndësishëm shkencor.
Gjatë eksplorimit në zonën e kraterit Jezero, studiuesit kanë identifikuar përbërje kimike që në Tokë lidhen drejtpërdrejt me aktivitet biologjik.
Një ekip i udhëhequr nga Henry Manelski i Universitetit Purdue ka zbuluar praninë e nikelit në kanalin Neretva Vallis, një luginë e lashtë lumore në buzë të kraterit. Studimi, i publikuar në fund të marsit në revistën “Nature Communications”, tregon se në shkëmbinj sedimentarë rreth 3 miliardë vjet të vjetër janë regjistruar përqendrime nikeli deri në rreth 1,1% të peshës, niveli më i lartë i matur ndonjëherë në Mars.
Ky element është gjetur së bashku me përbërje të karbonit organik dhe minerale të squfurit të hekurit, një kombinim që në Tokë krijohet vetëm nga organizmat e gjallë. Studiuesit theksojnë se këto të dhëna përbëjnë një tregues interesant për procese biologjike në të kaluarën e Marsit.
Paralelisht, kërkimet pranë kraterit Jezero kanë zbuluar edhe grimca mikroskopike korindoni, mineral bazë për formimin e rubinëve dhe safirëve. Analizat, të udhëhequra nga Ann Ollila e Laboratorit Kombëtar Los Alamos, evidentuan praninë e kromit në këto struktura, një element karakteristik për rubinët në Tokë.
Megjithatë, origjina e korindonit në Mars mbetet e paqartë. Ndryshe nga Toka, planeti i kuq nuk ka pllaka tektonike, ndaj shkencëtarët dyshojnë se formimi i këtyre kristaleve mund të jetë shkaktuar nga ndikimi i meteoriteve, që kanë krijuar kushtet e nevojshme për formimin e tyre.
