Një aksident rrugor është regjistruar paraditen e kësaj të enjte (4 qershor 2026) në Tiranë, pranë Fabrikës s&eum...
BOTA
Kryeministri serb: Ne kemi dy rrugë! Njëra është politike dhe të luftojmë për serbët në Kosovë, tjetra të çon në konflikte
n.fPërditësimi i fundit 10 Shtator 2024, 13:19
Millosh Vuçeviç
SERBI- Kryeministri serb Millosh Vuçeviç së fundmi është shprehur se ka vetëm dy rrugë për situatën në Kosovë. I ftuar në TV Prva, ai ka pretenduar se Serbia i ka veç dy rrugë. Njëra sipas tij është politike dhe përmes dialogut të luftojë për serbët në Kosovë, ndërsa rruga tjetër të çon në konflikt.
“Ne kemi dy rrugë, njëra është politike, përmes dialogut, diplomatik, të ushtrojmë presion, të argumentojmë dhe të luftojmë për serbët në Kosovë, tjetra të çon në konflikte. Vetëm duhet të dimë, nëse shkojmë në anën tjetër, e gjithë Serbia është i kërcënuar, nuk është çështja – ne ecim pak atje, pastaj hyjmë dhe mbarojmë gjithçka, kjo është çështje tjetër, por është çështje e realitetit politik”, tha Vuçeviç.
Ai tha se Kurti po provokon reagimin e Serbisë dhe për ta tërhequr atë në konflikt për ta bërë atë të duket si një viktimë.
“Më dhemb barku që kryeministri i Kosovës Albin Kurti po ngacmon serbët. Ai po provokon reagimin e Serbisë dhe për ta tërhequr atë në konflikt për ta bërë atë të duket si një viktimë”, ka bërë panik Vuveviç.
