Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
BOTA
“Kupola e Artë” do të mbrojë SHBA-të! Zbulohet plani i Presidentit Trump dhe Elon Musk për të armatosur hapësirën, SpaceX fillon misionin
E.DPërditësimi i fundit 18 Prill 2025, 22:01
SHBA- Mediat britanike kanë zbuluar disa plane të pabesueshme të presidentit amerikan Donald Trump, për krijimin e një sistemi të ri mbrojtjeje ajrore të avancuar, që do të jetë në gjendje të zbulojë raketa të ardhura nga hapësira. Siç raporton The Sun miliarderi Elon Musk po udhëheq përpjekjet e Trump për të mbrojtur Amerikën pasi presidenti nënshkroi një urdhër ekzekutiv për të ndërtuar një sistem kompleks për të ndihmuar në shmangien e kërcënimeve nga Kina, Rusia dhe Irani.
Ndërsa nënshkroi urdhrin ekzekutiv, Trump përmendi një sulm raketor si kërcënimin më katastrofik me të cilin përballen Shtetet e Bashkuara. Komandanti i Përgjithshëm iu fut menjëherë punës dhe urdhëroi sekretarin e mbrojtjes të paraqiste një plan zbatimi për sistemin. Kjo vjen si pjesë e planeve të mëdha të Trump për të reformuar rrënjësisht ushtrinë amerikane përballë kërcënimeve globale në rritje kundër kombit të tij.
Ai ka qenë prej kohësh një adhurues i Kupolës së Hekurt unike të Izraelit e cila përdor radarët për të zbuluar raketat që vijnë dhe dëshiron të zhvillojë versionin e vet të sistemit. SpaceX e Musk tani ka fituar punën për të ndërtuar mburojën e mbrojtjes raketore të Trump "Kupola e Artë". Sipas The Sun kompania e tij e raketave dhe satelitëve është në partneritet me prodhuesin e softuerit Palantir dhe ndërtuesin e dronëve Anduril për të ndërtuar pjesë kyçe për sistemin e mbrojtjes.
Të tre kompanitë u themeluan nga sipërmarrës që kanë qenë mbështetës kryesorë politikë të Trump. Planet përfshijnë ndërtimin dhe lëshimin e më shumë se 1000 satelitëve që qarkullojnë rreth globit për të dalluar raketat në hyrje dhe për të gjurmuar lëvizjen e tyre. Gjithashtu disa ekspertë besojnë se kostoja e përgjithshme për 'Kupola e Artë' mund të arrijë në qindra miliarda dollarë.
Pentagoni vendosi disa afate kohore për aftësitë që do të dorëzoheshin, duke filluar nga fillimi i vitit 2026 deri në ato të dorëzuara pas vitit 2030. SpaceX ka vlerësuar se puna paraprake inxhinierike dhe e projektimit për shtresën e kujdestarisë së satelitëve do të kushtonte midis 6 dhe 10 miliardë dollarë. Pavarësisht sinjaleve pozitive të Pentagonit për grupin SpaceX, disa burime theksuan se procesi i vendimit për Kupolën e Artë të Trump është në fazat e hershme.
Struktura e saj përfundimtare dhe kush zgjidhet për të punuar në të mund të ndryshojë në mënyrë dramatike në muajt e ardhshëm. Ndërkohë, SpaceX ka propozuar vendosjen e rolit të saj në "Kupolën e Artë" si një shërbim abonimi në të cilin qeveria do të paguante për aksesin në teknologji dhe jo do ta zotëronte atë.
Disa zyrtarë të Pentagonit kanë shprehur shqetësime nga brenda për t'u mbështetur në modelin e bazuar në abonim për çdo pjesë të Kupolës së Artë. Një marrëveshje e tillë do të ishte e pazakontë për një program kaq të madh dhe kritik të mbrojtjes.
Një nga burimet shtoi: "Mbetet për t'u parë nëse SpaceX dhe këto kompani teknologjike do të jenë në gjendje të arrijnë ndonjë nga këto. Atyre kurrë nuk u është dashur të ofrojnë një sistem të tërë ku kombi do të duhet të mbështetet për mbrojtjen e tij."
