Radhë e gjatë automjetesh është krijuar në pikën kufitare të Kakavijës, në krahun e palës greke.
Burime nga...
BOTA
Lideri i ri Suprem i Iranit është në koma, ka humbur këmbën!
PiranjatPërditësimi i fundit 12 Mars 2026, 14:40
Gazeta britanike “The Sun” raporton për një gjendje të rëndë shëndetësore të udhëheqësit të ri të Iranit, Mojtaba Khamenei.
Gazeta britanike pohon, duke cituar burimet e saj, se djali 56-vjeçar i Ajatollah Ali Khameneit të vrarë, Mojtaba Khamenei, i cili u shpall udhëheqësi i ri fetar të dielën e kaluar, humbi njërën këmbë dhe gjithashtu pësoi dëmtime serioze në stomak ose mëlçi në ditët e para të luftës.
Nuk dihet nëse ai u plagos në të njëjtën ditë që vdiq babai i tij 86-vjeçar, raportoi gazeta britanik.
Gazeta raporton se aktualisht po trajtohet në një njësi të kujdesit intensiv në Spitalin Universitar Sina, në lagjen historike të qytetit, ku një pjesë e ndërtesës është rrethuar nga masa të forta sigurie.
“Njëra ose të dyja këmbët e tij janë amputuar. Mëlçia ose stomaku i tij janë dëmtuar gjithashtu. Me sa duket, ai është gjithashtu në koma.”, tha burimi.
Burimi, i cili kërkoi të mos identifikohej nga frika për jetën e tij, arriti t’i shmangej ndërprerjes pothuajse totale të internetit në Iran për t’i dërguar mesazhe një disidenti në mërgim që jetonte në Londër.
Ai nuk është mjek, por njeh anëtarët e ekipit të traumës së spitalit të cilët i thanë se Mojtaba ishte në gjendje “shumë të rëndë”.
