Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
BOTA
Misioni i SHBA-së në NATO: S’jemi në dijeni për ndonjë diskutim për reduktimin apo heqjen e trupave amerikane nga Kosova
n.fPërditësimi i fundit 20 Shkurt 2025, 16:18
KOSOVË- Misioni i Shteteve të Bashkuara të Amerikës në NATO kanë deklaruar se nuk janë në dijeni të ndonjë diskutimi për reduktim apo tërheqje të trupave amerikane në Kosovë. Një zyrtar i lartë i Misionit të SHBA-së në NATO në një përgjigje për Gazetën Express u shpreh se edhe Sekretari i Mbrojtjes Hagseth në javën e kaluar ka thënë se s’ka pasur vendime që kanë të bëjnë me trupave amerikane.
“Ne nuk jemi në dijeni të ndonjë diskutimi, dhe siç e tha Sekretari Hegseth javën e kaluar nuk ka pasur vendime që kanë të bëjnë me nivelin e trupave”, ka thënë ky zyrtar i lartë i misionit të SHBA-së në NATO.
Gazeta gjermane “BILD” ka raportuar se institucionet e sigurisë evropiane janë të alarmuar për mundësinë e reduktimit të trupave amerikane në Evropë. Më tej ata specifikuan Kosovën, duke thënë se Italia po përgatitet edhe për një tërheqje të mundshme të trupave amerikane nga Kosova. Për çështjen e pranisë së trupave amerikane në Evropë ka folur të martën edhe shefi i Shtëpisë së Bardhë, Donald Trump.
Në një konferencë për media, i pyetur nëse është i gatshëm t’i tërheqë trupat amerikane nga Evropa si pjesë e marrëveshjes mes Rusisë dhe Ukrainës, Turmp ka thënë se askush s’i ka kërkuar që ta bëjë një gjë të tillë.
“Unë nuk mendoj se ne do të duhet ta bëjmë këtë. Unë nuk do të doja ta bëja këtë. Por kjo çështje nuk është ngritur kurrë” ka deklaruar Trump. Sipas faqes zyrtare të KFOR-it, SHBA-ja ka në Kosovës 602 ushtarë dhe është një prej shteteve me numrin më të lartë të forcave.
