Kryeministri britanik, Keir Starmer, tha se do të japë dorëheqje nga pozita e kryeministrit dhe nga ajo e udhëheqësit të Partis&...
BOTA
Mot i keq në Greqi, stuhia e fuqishme godet zonat urbane
PiranjatPërditësimi i fundit 24 Dhjetor 2025, 16:53
Rrugët kryesore të kryeqytetit grek u shndërruan në lumenj brenda pak minutash si pasojë e një stuhie të fuqishme shiu që goditi zonën urbane. Niveli i ujit u rrit ndjeshëm, duke shkaktuar vështirësi serioze në qarkullim dhe bllokime të shumta trafiku.
Në rrugët qendrore të Athinës, drejtuesit e mjeteve po përballen me trafik të rënduar, reshje intensive shiu dhe episode të forta rrufesh. Vëllimi i madh i ujit nga stuhia ka paralizuar lëvizjen në disa akse kryesore. Pak më parë, u raportua edhe një incident në Attiki Odos, ku një automjet u përfshi nga flakët pas kryqëzimit të Aspropirgos, duke përkeqësuar më tej situatën në trafik. Autoritetet po ndërhyjnë për menaxhimin e situatës dhe rikthimin e qarkullimit normal.
Probleme të konsiderueshme janë regjistruar që nga orët e para të pasdites së së mërkurës, ndërsa fenomenet atmosferike kanë qenë veçanërisht të forta në disa zona të qytetit, përfshirë Bajronas, Pagrati, Nea Smyrni, Ampelokipoi, Gazi, Kifisia, Marousi, Drosia dhe Ekali.
Autoritetet u bëjnë thirrje qytetarëve të shmangin lëvizjet e panevojshme, të ndjekin udhëzimet e shërbimeve emergjente dhe të tregojnë kujdes të shtuar gjatë drejtimit të mjeteve, pasi kushtet e motit mbeten të paqëndrueshme.
