Gjykata e Tiranës ka caktuar masën e sigurisë detyrim paraqitjeje për 18 persona të arrestuar gjatë protestave në Tiran&eum...
BOTA
Mrekulli në Mianmar, një grua u nxor e gjallë nga rrënojat 91 orë pas tërmetit të fuqishëm që goditi vendin
n.fPërditësimi i fundit 1 Prill 2025, 22:30
MYANMAR- Një mrekulli është regjistruar në Mianmar ku një grua 63-vjeçare u shpëtua 91 orë pas tërmetit të fortë me magnitudë 7.7 që goditi vendin. Ekipi i kërkim-shpëtimit e gjetën gruan nën rrënoja në Naypyitaë, kryeqyteti i Mianmarit. Nga tërmeti i rëndë më shumë se 2,700 persona janë raportuar të vdekur dhe numri pritet të kalojë 3,000. Po ashtu, 4,521 të tjerë janë plagosur dhe 441 janë të zhdukur.
Përveç viktimave, më shumë se 10,000 ndërtesa janë shkatërruar ose dëmtuar rëndë, veçanërisht në qendër dhe në veri-perëndim të Mianmarit. Në Mandalay, qyteti i dytë më i madh, 50 fëmijë dhe dy mësues humbën jetën kur një kopësht u shemb. Pasgoditjet dhe frika nga tërmetet e tjera kanë detyruar shumë njerëz të flenë jashtë në rrugë ose fusha të hapura.
Përpjekjet e shpëtimit janë komplikuar nga lufta civile, pasi junta ushtarake që mori pushtetin me grusht shteti në vitin 2021 ka vazhduar sulmet ajrore dhe ka penguar shpërndarjen e ndihmave humanitare në disa zona. Organizatat ndërkombëtare dhe Kombet e Bashkuara po punojnë për të ofruar ndihmë, ndërkohë që kërkojnë që junta të heqë barrierat administrative dhe të lejojë qasjen e pakufizuar për ndihmën.
