Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
BOTA
Në përvjetorin e nisjes së luftës në Ukrainë, BE shpall javën e ardhshme sanksione të reja për Rusinë
r.llPërditësimi i fundit 19 Shkurt 2025, 21:32
foto ilustruese
BRUKSEL- Sanksionet e mëtejshme të Bashkimit Europian ndaj Rusisë do të shpallen zyrtarisht të hënën, në përvjetorin e tretë të fillimit të pushtimit të plotë të Rusisë në Ukrainë.
Përveç synimit të aluminit rus dhe dhjetëra anijeve të dyshuara për transport të paligjshëm të naftës, ky raund i fundit i sanksioneve të BE-së shkëput më shumë banka ruse nga sistemi global i pagesave Swift dhe ndalon mediat shtesë ruse të transmetojnë në Evropë.
Ndikimi i sanksioneve do të zvogëlohet, natyrisht, nëse SHBA heq disa nga sanksionet e veta ndaj Moskës, diçka që BE frikësohet se mund të jetë më e mundshme pas takimit dypalësh SHBA-Rusi.
Përjashtimi i Evropës nga ajo tavolinë bisedimesh ka shtyrë presidentin francez Macron të përpiqet të krijojë një përgjigje të bashkuar kontinentale, shkruan BBC.
Sot, Macron priti një tjetër takim të liderëve, kryesisht online, pas samitit të së hënës në Pallatin Elysee. Diskutimet e kësaj pasdite përfshinin Suedinë, Finlandën dhe tre vendet baltike të BE-së, të cilat të gjitha kufizohen me Rusinë.
Për tre vitet e fundit, Evropa ka deklaruar në mënyrë të përsëritur se do të qëndrojë me Ukrainën për aq kohë sa duhet. Por në 24 orët e fundit, deri më tani vetëm një udhëheqës evropian, kryeministri suedez Ulf Kristersson, duket se e ka sfiduar hapur pretendimin e rremë të Trump se ishte Ukraina ajo që filloi konfliktin.
Sanksionet që do të shpallet të hënën është paketa e 16-të e sanksioneve. Deri më tani BE-ja për shkak të luftës ka zbatuar 15 paketa sanksionesh kundër Rusisë.
Në këtë kuadër Rusia është subjekt i një game të gjerë kufizimesh, duke përfshirë tregtinë, financat, energjinë, naftën dhe qymyrin, industrinë, teknologjinë, transportin, mallrat me përdorim të dyfishtë dhe produktet e luksit, si dhe arin dhe diamantet.
Sanksionet përfshijnë gjithashtu ndalimin e transportit të naftës së papërpunuar dhe disa produkteve të naftës nga Rusia në BE, përjashtimin e disa bankave ruse nga sistemi ndërkombëtar i pagesave SWIFT dhe pezullimin e aktiviteteve të shumë organizatave transmetuese. Në listën e sanksioneve të BE-së ndodhen më shumë se 2000 individë dhe institucione.
