Një shpërthim me lëndë të dyshuar plasëse është regjistruar në orët e para të mëngjesit të so...
BOTA
Netanyahu: Hamasi do ta pagujë për mosdorëzimin e trupit të Shiri Bibas! Do të veprojmë me vendosmëri për të kthyer trupat e pengjeve
n.fPërditësimi i fundit 21 Shkurt 2025, 11:02
Netanyahu
IZRAEL- Kryeministri izraelit, Benjamin Netanyahu është shprehur së fundmi se Izraeli do ta detyrojë Hamasin të paguajë për mosdorëzimin e trupit të pengut Shiri Biba, siç është rënë dakord. Netanyahu u shpreh se ata do të punojnë me vendosmëri për të kryer në atdhe trupat e gjallë ose të pajete të të gjitha pengjeve të marra nga Hamasi.
"Ne do të veprojmë me vendosmëri për ta kthyer Shirin në atdheun e saj së bashku me të gjithë pengjet tanë të tjerë - të gjallë dhe të vdekur - dhe për të siguruar që Hamasi të paguajë çmimin për këtë shkelje barbare dhe të tmerrshme të marrëveshjes," tha ai në një deklaratë video.
Forcat e armatosura izraelite akuzuan lëvizjen islamike palestineze Hamas në orët e hershme të mëngjesit të sotëm për "vrasjen barbare" të Ariel dhe Kfir Bibas, katër vjeç e tetë muaj e gjysmë, gjatë robërisë së tyre në Rripin e Gazës dhe se nuk ia dorëzuan Izraelit trupin e nënës së tyre Shiri Bibas.
Hamasi thotë se Ariel dhe Kfir Bibas kur u rrëmbyen nga Kibbutz Nir Oz më 7 tetor 2023, u vranë në granatimet izraelite. Babai i fëmijëve, Jarden Bibas, i cili u rrëmbye dhe u mbajt veçmas, u lirua në fillim të këtij muaji. Më tej, trupi i gruas së dorëzuar dje nuk është i nënës së tyre Shiri Biba dhe as nuk u identifikua se i përkiste ndonjë pengje tjetër izraelite. Është trupi i një “të panjohuri”, shtuan forcat e armatosura izraelite, duke denoncuar një “shkelje të hapur” të marrëveshjes së armëpushimit të nënshkruar me Hamasin.
