Kryetari i PD-së, Sali Berisha i bëri thirrje maxhorancës të anulojë një anti-miting të paralajmëruar për ta mbaj...
BOTA
Numri i emigrantëve që kaluan La Manshin shënon rekord të ri
E.DPërditësimi i fundit 24 Qershor 2024, 16:08
ANGLI- Numri i emigrantëve që mbërrijnë në BM, pasi kaluan La Manshin, ka shënuar një rekord të ri për gjashtë muajt e parë të një viti kalendarik. Të dhënat e Home Office tregojnë se 257 njerëz e bënë udhëtimin me katër varka të dielën, duke e çuar totalin e përkohshëm për vitin në 12 901, rekordi i mëparshëm për ardhjet në semestrin janar-qershor ishte 12 747 në 2022.
Siç raportohet në gjysmën e parë të 2023 mbërritjet ishin 11 433. Totali i vitit 2024 deri më sot është 17% më i lartë se numri i mbërritjeve të regjistruara këtë kohë vitin e kaluar (11 058) dhe është rritur 8% krahasuar me të njëjtën periudhë të vitit 2022 (11 975).
Vitin e kaluar gjithsej 29 437 emigrantë mbërritën në BM, 36% më pak nga rekordi 45 774 në 2022. Më shumë se 3 000 të ardhur janë regjistruar që nga shpallja e zgjedhjeve të përgjithshme më 22 maj (3 019), dhe emigracioni është një fushë beteje kryesore në fushatën zgjedhore.
Gjatë gjashtë viteve e gjysmë të fundit, teksa është shpalosur kriza e fundit e migracionit, 127 246 njerëz kanë mbërritur në Britaninë e Madhe pasi kanë kaluar La Manshin, tregojnë të dhënat e regjistruara që nga fillimi i 2018-ës. Rreth 82 265 njerëz kanë bërë udhëtimin që kur qeveria arriti marrëveshjen e ngecur për dërgimin e emigrantëve në Ruanda në prill 2022.
