Një tjetër eurodeputet i Parlamentit Europian ka reaguar i indinjuar ndaj dhunës së policisë me urdhër të kryeministrit...
BOTA
Sulmohet me thikë dhjetëra herë gjatë transmetimit Live në internet, humb jetën 22-vjeçarja në Japoni
m.lPërditësimi i fundit 12 Mars 2025, 17:22
JAPONI- Transmetuesja Airi Sato, 22 vjeç, vdiq si pasojë e plagëve të shkaktuara nga një individ gjatë transmetimit në internet. Protagonistja e transmetimit të drejtpërdrejtë po ecte nëpër lagjen Shinjuku ndërsa transmetonte një video në një platformë japoneze transmetimi, kur një burrë e sulmoi atë me një thikë rreth 13 centimetra të gjatë. Ai e goditi me thikë dhjetëra herë në qafë dhe gjoks derisa ajo vdiq.
Menjëherë nisi një operacion i departamentit të policisë, i cili çoi në arrestimin e autorit të dyshuar të goditjes me thikë, Kenichi Takano, 42 vjeç. Ky i fundit u ka thënë hetuesve se ka shkuar në Tokio pasi ka parë një reklamë, e ka kërkuar dhe e ka lokalizuar, duke përfunduar me atë përfundim fatal.
Takano mohoi që ai kishte ndërmend ta vriste dhe zbuloi mosmarrëveshjen financiare që i kishte lidhur ata së bashku që kur filloi t'i huazonte paratë e saj në vitin 2022, pasi ata u takuan një vit më parë përmes videove që ajo postonte.
"Konkretisht, Sato ka marrë hua më shumë se 2 milionë jen për telefonin celular dhe shpenzimet e menjëhershme të jetesës, por nuk e ka kthyer kurrë," thuhet në raportin e policisë në fjalët e këtij të fundit.
