Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
BOTA
Përdhunoi 300 fëmijë/ Në fund të shkurtit fillon gjyqi për mjekun pedofil Le Squarnec, abuzonte me të miturit që ishin nën efektin e anestezisë
n.fPërditësimi i fundit 3 Shkurt 2025, 18:56
FRANCË- Një kirurg i akuzuar për përdhunimin të qindra fëmijëve shumë prej të cilëve ishin nën anestezi, do të dalë para gjykatave franceze në fund të shkurtit. Gjyqi, i cili pritet të zgjasë me muaj, do të jetë më i madhi në historinë franceze që përfshin abuzimin seksual të fëmijëve dhe një nga rastet më komplekse që policia ka hetuar ndonjëherë.
Joel Le Souarnec, tani 73 vjeç, ka abuzuar me fëmijët për dekada. Përdhunimet dhe abuzimet kanë ndodhur nga viti 1989 deri në vitin 2014. Fakti rrëqethës është se familja e tij e dinte se ai ishte një pedofil që nga vitet '80, por nuk bëri asgjë për ta ndaluar. Ish-gruaja e tij, me të cilën kishte tre fëmijë, mohoi të dinte asgjë për atë që ai bëri deri në arrestimin e tij.
Ka ende dyshime se kolegët e tij dhe spitalet ku ai punonte po e mbulonin atë. FBI-ja madje kishte informuar autoritetet franceze pak pas vitit 2000 se Le Souarnec po vizitonte faqet e internetit me materiale për abuzimin e fëmijëve edhe pasi ishte vuajtur një dënim me kusht kundër tij.
Në vitin 2006, një koleg i kërkoi shoqatës lokale të mjekësisë që të merrte masa kundër Le Souarnec, por të gjithë mjekët (përveç një që abstenoi) votuan se ai nuk kishte shkelur kodin e sjelljes, kështu që nuk e dënuan.
Në aktakuzë thuhet gjithashtu se Le Squarnec ndihej i plotfuqishëm dhe se i pëlqente të "flirtonte me rrezikun duke marrë përsipër një rrezik të llogaritur". Ai ka pranuar vetëm një pjesë të akuzave ndaj tij. Janë mbi 100 akuza për përdhunim dhe mbi 150 për abuzim me 299 fëmijë. Le Souarnec u arrestua në vitin 2017 me akuzën e përdhunimit të mbesave të tij, një vajze gjashtëvjeçare dhe një pacienti të vogël.
Ai u dënua në vitin 2020 me 15 vjet burg dhe që atëherë është në burg. Mbi 300,000 fotografi të abuzimit me fëmijët, kukulla në madhësinë e një fëmije dhe mijëra faqe ditari, në të cilat ai regjistroi në detaje sulmet e tij ndaj fëmijëve, ndërsa theksoi se "Unë jam një pedofil". Më vonë ai pretendoi se ato që shkroi ishin thjesht “fantazi”.
Shumica e viktimave mësuan nga policia se ishin sulmuar ose përdhunuar ndërsa ishin nën anestezi dhe nuk kishin kuptuar asgjë. Vetëm në këtë mënyrë ata mundën të kuptonin shkakun e simptomave të një traume psikologjike që kishin, por që nuk mund të shpjegonin apo përshkruanin. Por avokati i njërës prej viktimave thotë se të paktën dy burra që kujtuan atë që kishin vuajtur i dhanë fund jetës.
