Është hequr gardhi metalik që ishte vendosur para Kuvendit të Shqipërisë si barrikadë për të penguar protestë...
BOTA
Plani i SHBA-së për të vendosur tarifa 50% ndaj naftës ruse, Komisioni Evropian: Po monitorojmë zhvillimet! Evropa po harton politikën e saj
n.fPërditësimi i fundit 31 Mars 2025, 19:22
EVROPË- A mund të ndjekë Evropa SHBA-në në vendosjen e tarifave 50% ndaj naftës ruse? Përgjigja është dhënë nga zëdhënësi i shtypit i Komisionit Evropian për çështjet e tregtisë, Olaf Gill, duke thënë se Evropa po monitoron zhvillimet, por po harton politikën e saj.
"Ne kemi një tavan të çmimit të naftës. Ne kemi marrë masa të ndryshme për të reduktuar të ardhurat e Rusisë nga energjia. Politika dhe qëllimi ynë për kufirin e çmimit është të kufizojmë të ardhurat e naftës së Rusisë duke mbështetur stabilitetin e tregut global të energjisë," tha Jill.
Në të njëjtën kohë ai theksoise janë të vetëdijshëm për rreziqet e anashkalimit, por kjo është politika që aplikojnë aktualisht. Ai theksoi se ekziston një koalicion i kufirit të çmimeve që po monitoron nga afër tregjet dhe pajtueshmërinë e industrisë.
Më tej, zëdhënësi i Komisionit, gjatë konferencës së sotme për shtyp të Komisionit Evropian, theksoi se është e rëndësishme të dobësohet ekonomia ruse, duke thënë se Rusia është agresori dhe kjo është arsyeja pse është e rëndësishme të ndërmerren veprime për ta dobësuar atë.
"Është shumë e rëndësishme të arrihet një paqe e drejtë dhe e qëndrueshme dhe kjo është një nga arsyet pse është e rëndësishme të trajtohet edhe ekonomia e agresorit të Rusisë," tha ai.
