Kongresmenja demokrate amerikane Alexandria Ocasio-Cortez ka reaguar lidhur me protestat në Shqipëri, duke i bërë thirrje qeverisë sh...
BOTA
SHBA deportoi anëtarët e bandës në El Salvador/ Rubio: Ata ishin vrasës dhe përdhunues!
E.DPërditësimi i fundit 31 Mars 2025, 18:28
SHBA- Shtetet Bashkuara kanë deportuar 17 "kriminelë", të dyshuar si anëtarë të bandës, në një burg të sigurisë maksimale në El Salvador.
“Mbrëmë, si pjesë e një operacioni të suksesshëm kundër terrorizmit në bashkëpunim me aleatët tanë në El Salvador, ushtria amerikane transportoi një grup prej 17 kriminelësh të dhunshëm nga organizatat Tren de Aragua dhe MS-13, duke përfshirë vrasës dhe përdhunues”, tha Sekretari i Shtetit i SHBA, Marco Rubio.
Në mes të shkurtit, Presidenti Donald Trump caktoi tetë kartele të Amerikës Latine si organizata terroriste, duke përfshirë bandën MS-13. Një karakterizim që zgjeron fushën e veprimeve të autoriteteve amerikane në luftën kundër krimit të organizuar.
Duke cituar një ligj të vitit 1798 për armiqtë e huaj, Uashingtoni deportoi 238 venezuelianë në El Salvador më 16 mars pa gjyq, të cilët qeveria amerikane i akuzon si anëtarë të organizatës kriminale Tren de Aragua .
Në Venezuelë të afërmit e këtyre individëve konfirmuan se ata nuk janë anëtarë të Tren de Aragua. Kjo arratisje e re e të dëbuarve po zhvillohet ndërkohë që presidenti amerikan pritet të mirëpresë homologun e tij salvadoran, Nayib Bukele në prill.
Nayib Bukele kishte propozuar në shkurt që El Salvadori të priste të burgosurit nga SHBA për një tarifë. Presidenti i El Salvador tha se të gjithë të dëbuarit ishin vrasës të konfirmuar dhe kriminelë të njohur, duke përfshirë gjashtë përdhunues të fëmijëve.
