Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
BOTA
Presidenti amerikan takim me homologun e Afrikës së Jugut/ Trump shpreh shqetësimet për gjenocidin e fermerëve të bardhë: Kemi shumë njerëz që ndihen të persekutuar dhe kthehen në SHBA
m.lPërditësimi i fundit 21 Maj 2025, 19:49
SHBA- Donald Trump sulmoi Presidentin e Afrikës së Jugut, Cyril Ramaphosa, të cilin e përshkroi si "të diskutueshëm" në disa qarqe, duke folur për një "gjenocid" të fermerëve të bardhë në vendin e tij. Nga ana e tij, Ramaphosa i tha presidentit amerikan se i vjen keq që nuk ka një aeroplan për t’ja dhënë duke iu referuar ndryshimit që ai do të bëjë në Air Force One.
Duke i uruar mirëseardhjen Ramaphosës në Shtëpinë e Bardhë, Trump fillimisht tha se ishte një "nder i madh" të ishte me presidentin e Afrikës së Jugut, i cili është "vërtet i respektuar në disa rrethe", por "më pak i respektuar në të tjerët".
Presidenti amerikan tha se ka shqetësime të mëdha në lidhje me Afrikën e Jugut dhe ai dëshiron t'i diskutojë ato me Ramaphosën.
"Kemi shumë njerëz që ndihen të persekutuar dhe vijnë në SHBA. Ne pranojmë njerëz nga shumë vende, nëse ndiejmë se po ndodh persekutim ose gjenocid. Në përgjithësi, ata janë fermerë të bardhë dhe po largohen nga Afrika e Jugut dhe është e trishtueshme ta shohësh. Por shpresoj të kemi një shpjegim për këtë, sepse e di që ju nuk e doni", vazhdoi ai.
Zyrtarët e Shtëpisë së Bardhë më pas transmetuan video që i referoheshin akuzave për gjenocid kundër afrikanerëve , pasardhës të kolonëve të bardhë në Afrikën e Jugut. Ramaphosa qëndroi i heshtur gjatë gjithë kohëzgjatjes së pamjeve, por më pas tha se kryqet e bardha që shfaqeshin në disa nga pamjet filmike ishin "diçka që ai nuk e kishte parë kurrë më parë".
"Do të doja të dija se ku është kjo, sepse nuk i kam parë kurrë këto video më parë," theksoi ai.
Videot përshkruanin dhjetëra makina që transportonin "familje të tëra" fermerësh të bardhë që largoheshin nga tokat e tyre. Trump këmbënguli, duke i treguar fotokopje të raporteve që i referoheshin afrikano-jugorëve të bardhë dhe duke thënë: Po i vrasin ata. Nuk e di çfarë dua që Ramaphosa të bëjë në lidhje me këtë situatë.
Kur një gazetar e pyeti pse e ftoi Ramaphosën, të cilin e akuzon për gjenocid, në Shtëpinë e Bardhë, presidenti amerikan u përgjigj: Nuk kam vendosur ende, po përpiqem të shpëtoj jetë. Më vjen keq që nuk kam një aeroplan për të të dhënë.
Presidenti i Afrikës së Jugut siguroi se "kjo nuk është politikë qeveritare" dhe se politika e qeverisë së tij është "e kundërta e saktë" e asaj që përshkruan Trump.
"Në vendin tonë ka krim. Njerëzit që po vriten nuk janë vetëm njerëz të bardhë. Ju jeni partner i Afrikës së Jugut dhe ngrini disa shqetësime. "Jam i gatshëm të flas me ju për këto shqetësime", theksoi ai.
