Banorët e Lagjes 8 në Durrës kanë denoncuar në Piranjat news, për gjendjen e rrugës pas punimeve të kryera nga Ujë...
BOTA
Princi Andrew humb titujt dhe largohet nga pallati mbretëror
PiranjatPërditësimi i fundit 31 Tetor 2025, 07:49
Pallati i Buckingham ka njoftuar se Mbreti Charles III i ka hequr Princit Andrew të gjithë titujt mbretërorë dhe ka vendosur që ai të largohet nga rezidenca mbretërore. Nga tani, Andrew do të njihet si Andrew Mountbatten-Windsor, në vend të titullit princ. Ky vendim vjen pas zbulimeve për lidhjet e tij me Jeffrey Epstein.
Sipas Pallatit, procesi zyrtar për heqjen e titujve ka nisur tashmë, ndërsa familja mbretërore thekson se qëndron në krah të viktimave dhe të mbijetuarve të çdo forme abuzimi. Fëmijët e Princit Andrew, Princesha Beatrice dhe Princesha Eugenie, do të ruajnë titujt e tyre mbretërorë. Mediat e huaja raportojnë se Andrew nuk ka kundërshtuar vendimin e mbretit.
“Madhëria e Tij ka nisur sot një proces zyrtar për heqjen e titujve dhe nderimeve të Princit Andrew. Kontrata e qirasë për rezidencën ‘Royal Lodge’ që i siguronte atij mbrojtje ligjore është ndërprerë, dhe ai do të zhvendoset në një banesë private. Këto masa konsiderohen të domosdoshme, pavarësisht se Andrew vazhdon të mohojë akuzat kundër tij. Mendimet dhe keqardhja më e thellë e Madhërisë së Tij janë dhe do të mbeten me viktimat dhe të mbijetuarit e çdo forme abuzimi.”
Ky vendim vjen pas presionit publik dhe mediave, sidomos pas dorëheqjes së Andrew nga titulli i Dukës së Jorkut për shkak të lidhjes me Epstein dhe akuzave të Virginia Giuffre. Së fundmi, ai është privuar edhe nga titulli i princit, të cilin e mbante që nga lindja si djali i Mbretëreshës Elizabeth II.
Në librin e saj, Giuffre shkruan se Andrew “besonte se ishte e drejta e tij trashëgimore të bënte seks me mua”, duke nxitur reagime të ashpra dhe vendimin për të hequr titujt e tij.
Titujt dhe nderimet e humbura nga Andrew:
Kalorës i Madh i Urdhrit Mbretëror Viktorian (GCVO)
Kalorës Mbretëror i Urdhrit të Lavdishëm të Garter-it
Aktualisht, Princi Andrew renditet i teti në linjën e trashëgimisë për fronin britanik, pas Princit William dhe tre fëmijëve të tij, si dhe Princit Harry dhe dy fëmijëve të tij.
Linja aktuale e trashëgimisë së kurorës britanike:
