Senatorja amerikane Elissa Slotkin (Demokrate nga Miçigani) ka reaguar në rrjetin social X lidhur me dhunën policore në protestën stu...
BOTA
Projektligji për ndalimin e brezit të ri nga pirja e duhanit/ Britania voton pro rregullave kundër duhanpirjes, ja kufizimet që u miratuan
ZH.LLPërditësimi i fundit 27 Nëntor 2024, 08:37
vape
BRITANI- Një projekt-ligj historik për të ndaluar brezin e ri nga pirja e duhanit ka hequr pengesën e tij të parë në Dhomën e Komunave.
Projektligji për Duhanin dhe Cigaret Elektronike synon të bëjë duhanpirjen dhe cigaret elektronike më pak tërheqëse dhe siguron që çdo person që është 15 vjeç ose më i ri, t’i ndalohet blerja e cigareve.
Projektligji ndalon reklamimin e cigareve elektronike dhe shitjen e tyre në makinat automatike, si dhe kufizon paketimin dhe aromat e cigareve elektronike që tërheqin drejtpërdrejt fëmijët dhe të rinjtë.
Legjislacioni përfshin kompetencat për të futur një skemë licensimi për shitësit me pakicë për të shitur duhan, vape dhe produkte nikotine në Angli, Uells dhe Irlandën e Veriut. Dyqanet që do t'i shesin kujtdo nën moshën e përcaktuar do të marrin gjoba në prej 200 £.
Pas një debati të gjatë, 415 ligjvënës votuan pro projektligjit, ndërsa 47 votuan kundër.
Ky hap vjen si pjesë e një strategjie afatgjatë për të arritur një “Brexit pa duhan” dhe për të reduktuar shpenzimet shëndetësore të lidhura me duhanpirjen.
I njohur si Projektligji i Duhanit dhe Vapes, ai u propozua për herë të parë nga Rishi Sunak kur ishte kryeministër, por nuk arriti të hynte në Dhomën e Komunave pasi thirri zgjedhjet e përgjithshme, të cilat i humbi.
Sekretari i Shëndetësisë Wes Streeting tha se qeveria laburiste po sjell legjislacionin përpara për të ndaluar të rinjtë të kalojnë një "jetë të burgosur nga varësia".
