Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
BOTA
Puthja mes Kamala Harris dhe Donald Trump, një shpikje e rrezikshme e inteligjencës artificiale të Elon Musk
E.DPërditësimi i fundit 15 Gusht 2024, 14:28
SHBA- Stuhia po godet sërish zgjedhjet presidenciale në SHBA. Elon Musk, një nga mbështetësit më të vendosur të Donald Trump, sapo ka përditësuar AI, Grok, i aftë për të gjeneruar imazhe nga teksti për herë të parë. Praktikisht pa filtra. Rezultatet e para që ka prodhuar janë shkatërruese dhe tregojnë se si mund të krijohet dezinformata në çast.
Mjafton një kërkesë e thjeshtë, udhëzimi i dhënë për AI në formë teksti, për të gjeneruar në çast një foto realiste të aftë për të mashtruar votuesit. Për shembull, imazhi i rremë i krijuar me Grok, në të cilin një burrë që duket si Donald Trump dhe një grua që duket si Kamala Harris, puthen me pasion, është bërë virale nga përdoruesit e medies sociale X, dikur e njohur si Tëitter, në pronësi të Musk.
Megjithëse rregullat e përdorimit të Grok ndalojnë gjenerimin e imazheve fyese, të dhunshme, të turpshme dhe shpifëse, përdoruesit që po testojnë inteligjencën artificiale të re të Musk raportojnë se nuk ka kufij për atë që mund të gjenerohet.
Një kërkim i shpejtë për "Grok 2" në X jep imazhet e mëposhtme:
Trump qëllon me dy armë
Trump përqafoi Kamala Harris shtatzënë
Taylor Sëift me të brendshme
Hitleri duke ngrënë shalqi
Një UFO me emblemën naziste
Faqja online ‘The Verge’ krijoi një foto të rreme të Barack Obamës duke u përpjekur të godasë me thikë Joe Biden. Në disa raste protagonistët e imazheve ngjajnë shumë pak me origjinalin, njerëzit me mish e me gjak Në të tjera raste janë praktikisht identike.
Personi që përfiton më shumë është është vetë Donald Trump, i cili qëndron pas Kamala Harris në sondazhe dhe është gati të luajë pisët, për të rimarrë terren ( ashtu si para disa ditësh kur shkruante se turma në pritje të zv. presidentes amerikan në aeroportin e Detroitit ishte krijuar me IA (Inteligjenca Artificiale)
Programi Grok, i inteligjencës artificiale gjeneruese është disponueshme aktualisht vetëm për përdoruesit premium të platformës X.
Nga njëra anë, Elon Musk duhet të jetë përgjegjës për rregullimin dhe kontrollin e kësaj teknologjie të fuqishme. Nga ana tjetër, mbështetja e zjarrtë e sipërmarrësit për Donald Trump ngre dyshime për gatishmërinë e tij për të vendosur kufizime të rrepta për përdorimin e Grok.
Tendenca e Trump për polemika dhe për të sfiduar konventën të orienton që Musk mund të përdorë inteligjencën artificiale të tij për të nxitur dezinformimin, për të sulmuar Kamala Harris dhe për të ndikuar potencialisht opinionin publik në garën për Shtëpinë e Bardhë.
Vetë Musk së fundmi ka shpërndarë në llogarinë e tij X, i ndjekur nga më shumë se 190 milionë ndjekës, një reklamë që kritikon Kamala Harris, në të cilën është përdorur zëri i zëvendëspresidentes amerikane të klonuar nga inteligjenca artificiale.
"Rasti Grok" ngre pyetje të rëndësishme etike në lidhje me përdorimin e Inteligjencës Artificiale në mediat sociale dhe peshën që teknologjia e madhe dhe biznesmenët e pasur që veprojnë në sektorin gjenerues të inteligjencës artificiale - kanë në proceset demokratike.
