Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
BOTA
Rubio: Trump është i qartë për të ardhmen e SHBA-së në NATO
E.DPërditësimi i fundit 3 Prill 2025, 13:17
SHBA- Sekretari amerikan i Shtetit, Marco Rubio, hodhi poshtë atë që ai tha se ishte “histeri” për të ardhmen e Amerikës në NATO, duke thënë se presidenti Donald Trump e ka pasur të qartë se SHBA-të do të mbeten në aleancën mbrojtëse.
Rubio tha se shpreson të largohet nga takimi i NATO-s me një angazhim nga të gjithë aleatët për të shpenzuar 5 për qind të GDP-së për mbrojtjen, për ta bërë aleancën më të fortë dhe më të qëndrueshme edhe nëse kjo do të thotë se shkëmbimi është shpenzim më i ultë për programet sociale në Evropë. Ai tha se kjo do të nënkuptojë gjithashtu rritjen e shpenzimeve të mbrojtjes nga SHBA. Gjithashtu bëri të ditur se Trump “nuk është kundër NATO-s”.
“Shtetet e Bashkuara janë në NATO. Ndërsa flasim tani, Shtetet e Bashkuara janë po aq aktive në NATO sa ka qenë ndonjëherë. Dhe një pjesë e kësaj histerie dhe hiperbole që shoh në mediat globale dhe disa media vendase në Shtetet e Bashkuara për NATO-n, është e pajustifikuar. Presidenti Trump e ka bërë të qartë se mbështet NATO-n. Ne do të mbetemi në NATO. Ai e ka bërë të qartë.
E vetmja mënyrë se si NATO mund të bëhet më e fortë dhe më e qëndrueshme është nëse partnerët tanë, shtetet kombëtare që përbëjnë këtë aleancë të rëndësishme, kanë më shumë aftësi. Sepse nëse kërcënimet janë vërtet aq të tmerrshme sa besoj unë, dhe anëtarët e kësaj aleance besojnë se janë, atëherë ky kërcënim duhet të përballet me një angazhim të plotë dhe real për të pasur aftësinë për t’u përballur me këto gjëra.
Ai është kundër një NATO-je që nuk ka aftësitë që i nevojiten për të përmbushur detyrimet që traktati i imponon secilit shtet anëtar. Askush nuk pret që ju do të jeni në gjendje ta bëni këtë në një ose dy vjet por rruga duhet të jetë reale. Kjo është një e vërtetë e vështirë, por është një e vërtetë që duhet thënë tani”, tha Rubio.
