Deputetja e Partisë Demokratike, Ina Zhupa përmes një postimi në rrjetet sociale ka reaguar lidhur me tensionet e dy ditëve të f...
BOTA
Serbia bojkoton Samitin e BE-së, Vuçiç: Po mbroj interesat e vendit
PiranjatPërditësimi i fundit 17 Dhjetor 2025, 18:35
Presidenti i Serbisë, Aleksandar Vuçiç, ka deklaruar se asnjë zyrtar serb nuk do ta përfaqësojë Serbinë në Samitin BE–Ballkani Perëndimor, i cili po zhvillohet sot në Bruksel.
Vuçiç u shpreh se ky vendim është marrë për të mbrojtur interesat e Serbisë, duke iu referuar mungesës së konsensusit brenda Bashkimit Evropian për hapjen e Grupit 3 të kapitujve të negociatave të anëtarësimit me Serbinë. “Besoj se po mbroj Serbinë dhe interesat e saj me këtë hap”, deklaroi ai.
Vendimi u konfirmua edhe nga Ministri i Integrimit Evropian të Serbisë, Nemanja Staroviç, i cili përmes një postimi në rrjetin social X mbështeti qëndrimin e presidentit.
Staroviç theksoi se mungesa e vullnetit për të njohur reformat e ndërmarra nga Serbia gjatë katër viteve të fundit, përfshirë ndryshimet kushtetuese të vitit 2022, ka dërguar një mesazh negativ për qytetarët serbë dhe ka nxitur narrativa anti-evropiane.
Sipas tij, me bojkotimin e samitit, Serbia nuk po mbron vetëm dinjitetin e saj, por edhe integritetin e procesit të pranimit dhe besueshmërinë e idesë evropiane në vend. Ai shprehu shpresën se shtetet anëtare të BE-së do të arrijnë së shpejti konsensusin e nevojshëm për të kapërcyer, siç u shpreh, një ngërç të pajustifikuar politik ndaj Serbisë.
