Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
BOTA
SHBA rikthen testet bërthamore pas 33 vitesh, zv.presidenti J.D. Vance: Janë të nevojshme për sigurinë kombëtare
PiranjatPërditësimi i fundit 31 Tetor 2025, 09:30
Zëvendëspresidenti i Shteteve të Bashkuara, J.D. Vance, deklaroi se testet bërthamore janë të domosdoshme për funksionimin e arsenalit bërthamor amerikan, pasi presidenti Donald Trump urdhëroi ushtrinë t’i rifillojë ato pas një ndërprerjeje 33-vjeçare.
Sipas Vance, testet janë thelbësore për të garantuar sigurinë kombëtare të SHBA-së.
“Është një pjesë e rëndësishme e sigurisë kombëtare amerikane që të sigurohemi se arsenali ynë bërthamor funksionon siç duhet”, tha ai duke folur për gazetarët jashtë Shtëpisë së Bardhë.
Ai shtoi se edhe Rusia dhe Kina zotërojnë arsenale të mëdha bërthamore dhe se testet e herëpashershme janë të nevojshme për të garantuar efikasitetin e tyre.
“Ne kemi një arsenal të rëndësishëm, natyrisht. Rusët kanë një arsenal të madh bërthamor. Edhe kinezët po ashtu. Ndonjëherë duhet ta testojmë për t’u siguruar që funksionon siç duhet”, theksoi Vance, duke shtuar më pas: “Për të qenë i qartë, ne e dimë se ai funksionon mirë, por duhet ta mbajmë këtë standard me kalimin e kohës. Presidenti thjesht dëshiron të sigurohet që po e bëjmë këtë.”
