Mariglen Lalës që iu vendos tritol mëngjesin e sotëm rezulton person me precedente kriminale, i akuzuar dhe burgosur për grabitje.
A...
BOTA
Siguria në Hormuz, Australia gati t’i bashkohet misionit të propozuar nga Franca dhe Britania
PiranjatPërditësimi i fundit 13 Maj 2026, 10:02
Australia ka njoftuar se është gati t’i bashkohet një misioni “neutral dhe paqësor” të propozuar nga Franca dhe Britania për të siguruar lundrimin në Ngushticën e Hormuzit, një nga pikat më strategjike të tregtisë globale të naftës.
Ministri australian i Mbrojtjes, Richard Marles, deklaroi se Kanberra është e gatshme të mbështesë një mision ushtarak shumëkombësh, me karakter strikt mbrojtës, të udhëhequr nga Londra dhe Parisi.
Si pjesë e kontributit të saj, Australia do të vendosë në dispozicion një avion mbikëqyrës E-7A Wedgetail, i cili tashmë ndodhet në rajon për të ndihmuar në mbrojtjen e Emirateve të Bashkuara Arabe nga sulmet me dronë iranianë.
Misioni, sipas autoriteteve australiane, do të ketë për qëllim të forcojë sigurinë detare dhe të mbështesë përpjekjet diplomatike për uljen e tensioneve në rajon, duke garantuar njëkohësisht lëvizjen e lirë të tregtisë ndërkombëtare.
Presidenti francez Emmanuel Macron ka paralajmëruar një iniciativë në OKB për krijimin e një kornize ndërkombëtare për këtë mision, i cili pritet të aktivizohet në koordinim me negociatat mes SHBA-së dhe Iranit për heqjen e sanksioneve dhe uljen e tensioneve.
