Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
BOTA
Tensionet në Lindjen e Mesme, Trump i kërkon administratës Biden të përparojë në përpjekjet për një armëpushim në Liban
n.fPërditësimi i fundit 10 Nëntor 2024, 09:12
Trump dhe Biden
IZRAEL- Gazeta izraelite, Ynet ka raportuar se presidenti i sapozgjedhur i SHBA-së, Donald Trump, edhe pse ai ende nuk është bërë zyrtarisht betimin i dërgoi një mesazh administratës së Joe Biden, duke theksuar se ai pret përparim në përpjekjet për të arritur një armëpushim midis Izraelit dhe Hezbollahut.
Duke cituar zyrtarë të paidentifikuar amerikanë, raporti shtoi se i dërguari i posaçëm i SHBA-së, Amos Hochstein është i bindur se të dyja palët do të jenë në gjendje të arrijnë një marrëveshje dhe t'i japin fund më shumë se një viti luftimesh ndërkufitare, si dhe operacionit tokësor të Izraelit në Libanin jugor.
Në tetor, përpara zgjedhjeve presidenciale të 5 nëntorit, Trump u zotua t'i japë fund vuajtjes dhe shkatërrimit në Liban.
"Unë dua të shoh Lindjen e Mesme të kthehet në paqen e vërtetë, një paqe të qëndrueshme, dhe ne do ta bëjmë atë siç duhet në mënyrë që të mos ndodhë përsëri çdo 5 ose 10 vjet ," shtoi ai.
Zyrtarët amerikanë kanë thënë se do të bëjnë një shtytje përfundimtare për të arritur marrëveshje mbi konfliktet, megjithëse është e paqartë se sa ndikim kanë ata mbi Izraelin dhe lojtarët e tjerë në rajon tani të fokusuar në administratën e ardhshme të Trump.
