Kongresmeni amerikan, Ritchie Torres ka reaguar lidhur me revoltat studentore dhe dhunën që policia ka ushtruar ndaj të rinjve, duke k&eu...
BOTA
Tentoi të vrasë të miturin, 30 ditë paraburgim për 28-vjeçarin në Tetovë
E.DPërditësimi i fundit 30 Shtator 2024, 16:27
TETOVË- Një 28-vjeçar ka rënë në prangat e policisë së Tetovës, pasi akuzohet se i ka shkaktuar lëndime të rënda trupore një personi të mitur duke tentuar ta vrasë atë.
“Më datë 28 shator, pjesëtarë të policisë së SPB Tetovë, kanë privuar nga liria personin L.J. 28 vjeç nga Tetova, i cili paraprakisht, pra dy ditë më parë, është raportuar nga një i mitur se në punëtorinë e tij, i ka shkaktuar lëndime të rënda trupore me një mjet të mprehtë dhe në bazë të dyshimeve të bazuara se bëhet fjalë për vrasjen në tentativë, i njëjti është privuar nga liria dhe me procedurë paraprake, është dërguar para gjykatësit hetues më ç`rast iu caktua masa e paraburgimit në afat prej 30 ditësh”, deklaroi Fatmir Rexhepi, zëdhënës i SPB Tetovë.
Nga Prokuroria e Tetovës thonë se ende nuk është gjetur mjeti i krimit, për çka dyshohet se bëhet fjalë për një skalper. Informatat tona brenda prokurorisë flasin se dy personat, 28 vjeçari i dyshuar për vrasje në tentim dhe i mituri, janë njohur që prej një viti e gjysmë. Më 26 shtator dy personat kontaktojnë përmes sms-ve për tu takuar, dhe lënë takimin tek punëtoria e ndërmarrjes së familjes së të miturit, shkruan Alsat.
Pas takimit, dyshohet se 28 vjeçari me iniciale L.J e ka ngacmuar seksualisht të miturin dhe pas këtij ngacmimi ka ardhur deri tek përleshja fizike. Me të arritur tek punëtoria me motor skuter, 28 vjeçari futet brenda dhe aty fillon fillimisht ngacmimi seksual e pastaj edhe zënka. Pas ngjarjes, 28 vjeçari raportohet se ka ikur nga vendi i ngjarjes. I mituri që kishte marrë plagë të rënda në qafë dhe vesh, thërret familjarët e tij për ndihmë.
Kërkuam prononcim edhe nga familjarët, por të njëjtët nuk deshën të flasin para kamerës. Ndërkohë vëllai i viktimës, nëpërmjet rrjeteve sociale ka thënë se 17 vjeçari është ndjekur me motoçikletë nga ana e 28 vjeçarit deri në punëtorinë e familjes së tyre. Për këto pohime, Prokuroria ka urdhëruar që të merren inçizimet nga kamerat e sigurisë të objekteve përreth.
