Prej tre javësh, Shqipëria është përfshirë nga një valë protestash kundër projekteve për ndërtimin e re...
BOTA
Tmerr në SHBA, 30 makina përplasen me njëra-tjetrën, raportohet për viktima dhe të plagosur
PiranjatPërditësimi i fundit 18 Shkurt 2026, 18:28
Të paktën katër persona humbën jetën dhe 29 të tjerë mbetën të plagosur pas një aksidenti masiv që përfshiu 30 automjete në shtetin e Colorado, i shkaktuar nga erërat e forta që ngritën re të dendura pluhuri dhe ulën ndjeshëm dukshmërinë në rrugë.
Ngjarja ndodhi të martën në mëngjes në autostradën Interstate 25, rreth 60 milje në jug të Colorado Springs. Sipas autoriteteve, erërat arritën shpejtësinë deri në 61 milje në orë, duke krijuar kushte pothuajse të pamundura për drejtuesit e mjeteve. Përplasja zinxhir përfshiu 30 automjete, mes tyre edhe gjashtë kamionçina.
Autoritetet nuk kanë publikuar ende identitetin e viktimave, por konfirmuan se bëhet fjalë për dy burra nga Walsenburg dhe dy gra, njëra nga Rye dhe tjetra nga Pueblo County.
Të plagosurit u transportuan në spitalet e zonës. Sipas Policisë Shtetërore, një person ndodhet në gjendje kritike, ndërsa shtatë të tjerë kanë pësuar lëndime të rënda fizike. Të plagosurit e tjerë kanë marrë dëmtime të moderuara deri të lehta dhe nuk janë në rrezik për jetën.
Erërat e forta që përfshinë gjysmën lindore të Kolorados, të kombinuara me temperatura të larta dhe kushte jashtëzakonisht të thata, shkaktuan gjithashtu shpërthime zjarresh dhe vonesa të fluturimeve në Aeroporti Ndërkombëtar i Denverit, duke rënduar situatën në të gjithë rajonin./PiranjatNews/
