Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
BOTA
Tolerancë zero për evazionin fiskal në Greqi, një model i ri i luftës kundër shmangies nga taksa
PiranjatPërditësimi i fundit 16 Tetor 2025, 08:49
Që pas krizës financiare Greqia me një sërë masash rigoroze ka rikuperuar financat e shtetit por edhe imazhin duke u kthyer në model për korrektësi në shlyerjen e detyrimeve tatimore.
Strukturat përkatëse të kontrollit janë vënë në veprim, që gjithçka të funksionojë me një tolerancë zero ndaj evazionit fiskal në Greqi. Këtë ekipi i DW-së e përjetoi nga dora e parë duke shoqëruar me kamera gjatë punës një ekip të hetimit tatimor civil në Athinë.
Agjentët civilë të hetimit tatimor në veprim
Penny dhe ekipi i saj duan të zbulojnë, nëse dyqanet në qendër të Athinës paguajnë siç duhet TVSH-në. Penny na thotë, se struktura ka për detyrë të ndihmojmë në rritjen e të ardhurave të shtetit dhe të parandalojmë që në fillim evazionin fiskal.
Një nga hetuesit tatimorë përzihet me klientët e një argjendarie dhe vëzhgon pa rënë në sy arkëtaren, ndërsa Penny dhe kolegu i tyre e presin jashtë. Por asgjë e pazakontë. Edhe klientët kanë një faturë blerjeje.
Disa rrugë më tutje punonjësja e administratës tatimore dhe kolegët e saj gjejnë diçka. Në një restorant ata kontrollojnë tavolinat. Aty duhet të jenë faturat e porosive. Ky është rregulli.
Kamarieri e gjen veten në vështirësi për t`u shpjeguar kur flet me ekipin hetimor tatimor:
Si është puna me këto tri colat?
Kamarieri: Nuk janë printuar ende.
Penny: Mirë na ler të flasim për këto.
Kamarieri: Sigurisht që i kam regjistruar këto pjata, por nuk pata kohë për t'i printuar. Mund ta bëj menjëherë tani. U pengova nga një klient.
Penny: Ky nuk është justifikim. Klientët i kanë ngrënë mezet tashmë.
Aplikacion për qytetarët për të raportuar ankesat
Autoritetet e kanë forcuar mbikëqyrjen jo vetëm përmes hetuesve të fshehtë tatimorë si Penny. Por edhe me një aplikacion, përmes të cilit qytetarët mund të raportojnë faturat e munguara ose të falsifikuara.
Penny e regjistroi tani në mënyrë elektronike shkeljen e restorantit. Kamarieri duhet të nënshkruajë në emër të pronarit, të cilit do ti'i vijë një gjobë prej së paku 500 eurosh. Ai nuk dëshiron të intervistohet.
Hetuesit tatimorë pasi dalin nga lokali veshin jelekët e tyre të shërbimit, sepse pjesa e hetimit në fshehtësi për këtë ditë ka përfunduar. Qoftë me ose pa jelek, Penny thotë se në punën e saj ajo ndihet gjithmonë e sigurt: "E di që vizitat tona nuk janë zbavitje për njerëzit e biznesit. Por varet nga mënyra se si flet me ta. Nëse i trajton me respekt, edhe ata të respektojnë. Për Penny dhe kolegët e saj besimi në etikën tatimore është i mirë. Por kontrolli është më i mirë.
Nga vend problematik në model 15 vjet më parë Greqia ishte në prag të falimentimit shtetëror. Vendi ishte i zhytur në mënyrë të pashpresë në borxhe dhe u desh të shpëtohej nga BE dhe huadhënësit ndërkombëtarë.
Sot Greqia e ka marrë përsëri veten ekonomikisht. Vendi ka mundur të shlyejë një pjesë të borxheve miliardëshe.
Edhe falë agjencisë tatimore të themeluar enkas. Ajo ka mundur të përgjysmojë humbjen e të ardhurave nga TVSH-ja në më pak se dhjetë vjetë.
George Pitsilis, Autoriteti i pavarur për të ardhurat publike thotë se"kjo është një çështje, që shqetëson të gjithë shoqërinë greke. Nëse duam të arrijmë një fitim për të gjithë dhe drejtësi, atëherë duhet të kontribuojmë të gjithë dhe të kërkojmë gjithmonë një faturë, për shembull. Mendoj se mentaliteti i qytetarëve ka ndryshuar vitet e fundit. Ata e kuptojnë se është e rëndësishme të jesh vetvetja dhe të respektosh ligjet.” Sepse TVSH-ja është një nga burimet më të rëndësishme të të ardhurave të shtetit. Në Greqi ajo është 24%, pak mbi mesataren e BE-së./ DW
Ursula von der Leyen qëndroi edhe në Shkup, ku u takua me kryeministrin Hristijan Mickovski, presidenten Gordana Siljanovska-Davkova dhe me kryetari...
