Gjykata e Tiranës ka caktuar masën e sigurisë detyrim paraqitjeje për 18 persona të arrestuar gjatë protestave në Tiran&eum...
BOTA
Trump kërkon mandatin e tretë/ Kongresmeni republikan paraqet kërkesë për rishikimin e Kushtetutës së SHBA
e. dPërditësimi i fundit 24 Janar 2025, 15:29
Donald Trump
SHBA- Donald Trump është vetëm në javën e parë të mandatit të tij të dytë në Shtëpinë e Bardhë, por tashmë lëvizjet e ligjvënësve republikanë kanë filluar që ai të kërkojë një mandat të tretë. Në SHBA, amendamenti i 22-të i Kushtetutës thotë qartë se presidenti nuk ka të drejtë për më shumë se dy mandate në zyrën ovale, por kongresmeni Andy Ogles nga Tenesi dëshiron të rishikojë dhe ndryshojë ligjin. Në fakt, deputeti republikan nuk i është përmbajtur propozimit, por ka paraqitur zyrtarisht kërkesën e tij për diskutim.
Në arsyetimin e propozimit të tij kongresmeni shprehet se: “Trump ka dëshmuar se është i vetmi politikan në historinë moderne që ka aftësinë të kthejë mbrapsht shkatërrimin dhe rënien e Kombit tonë dhe është gjithashtu i vetmi që mund të rikthejë madhështinë amerikane. Për këtë arsye ai duhet të ketë kohë për ta bërë këtë. Është e rëndësishme që t'i japim Presidentit Trump çdo mundësi, dhe jo vetëm kohë, për të kthyer pasojat katastrofike të administratës Biden .
Çfarë thotë amendamenti i 22-të i Kushtetutës së SHBA?
Amendamenti i 22-të i Kushtetutës së SHBA-së është i qartë dhe për sa i përket kohëzgjatjes së presidencës dhe gjithashtu mandateve të presidentëve amerikanë. Asnjë person nuk mund të zgjidhet në postin e Presidentit më shumë se dy herë. Madje ka një paragraf të veçantë në të cilin sqarohet se asnjë person nuk ka të drejtë të zgjidhet në detyrën e Presidentit më shumë se një herë nëse ka mbajtur detyrën e Presidentit për një periudhë të barabartë ose më të gjatë se dy vjet.
Amendamenti i 22-të i Kushtetutës së SHBA u propozua në 1947 dhe u ratifikua në 1951. Për shkak të këtij ndryshimi të veçantë, Franklin Roosevelt nuk u zgjodh për herë të 5-të si President i vendit, pasi kishte shërbyer katër mandate, në 1932, 1936, 1940 dhe 1944. Deri më sot, Franklin Roosevelt është i vetmi president që ka shërbyer nga zyra presidenciale më shumë se dy mandate. Ai u nda nga jeta 90 ditë pas fitores së katërt elektorale.
Si reagon Trump ndaj kësaj mundësie?
Shtëpia e Bardhë deri më tani nuk është shprehur dhe nuk ka reaguar në lidhje me këtë propozim konkret. Megjithatë, Donald Trump është shprehur pozitivisht ndaj këtij propozimi disa herë në tetë vitet e fundit. Nëntorin e kaluar, pak pas fitores së tij në zgjedhje, ai i tha një grupi republikanësh në Mar a Lago: "Unë ndoshta nuk do të kandidoj më nëse nuk vendosni ndryshe... një frazë që ai nuk e mohoi kurrë".
