Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
BOTA
U torturua për orë të tëra nga vajza e saj, një ditë para se ajo të vritej njoftoi policinë! Detaje të reja mbi masakrimin e kryebashkiakes gjermane
PiranjatPërditësimi i fundit 11 Tetor 2025, 11:58
Gjermania është tronditur nga një sulm brutal ndaj kryetares së bashkisë së Herdecke, Iris Stalzer, e cila u torturua për orë të tëra nga vajza e saj e adoptuar 17-vjeçare. Sipas raportimeve nga mediat gjermane, vajza e mitur, pas një periudhe tensioni me nënën e saj, e sulmoi atë në bodrumin e shtëpisë, duke e goditur 13 herë me thikë, duke i vënë flakën dhe duke i shkaktuar dëmtime të shumta.
Politikania, e cila është pjesë e SPD-së, ka kërkuar ndihmë ditën para sulmit, duke iu drejtuar stacionit të policisë në Wetter/Ruhr për t'u ankuar se ndihej e kërcënuar nga vajza. Megjithatë, telefonata nuk u trajtua me seriozitetin e duhur, çka rezultoi në sulmin brutal një ditë më vonë.
Pavarësisht natyrës së tmerrshme të incidentit, ku Stalzer ka pësuar 13 plagë nga thika, hematoma dhe fraktura të shumta në kafkë, prokuroria nuk po e trajton si tentativë vrasjeje, por si dëmtim të rëndë me dashje. Policia ka gjetur një nga thikat e përdorura në çantën e djalit 15-vjeçar, i cili është gjithashtu i adoptuar.
Motivi i sulmit besohet të ketë qenë hakmarrja, pasi vajza e adoptuar ndihej e margjinalizuar dhe e pasiguruar në marrëdhënien me nënën, veçanërisht pas krijimit të një lidhjeje më të ngushtë me djalin 15-vjeçar. Në verë, Stalzer kishte dërguar një letër shërbimeve sociale për të raportuar tensionet me vajzën e saj.
Një nga detajet që ka tërhequr vëmendjen është se adoleshentja, e cila ishte ajo që informoi autoritetet për ngjarjen, nuk është arrestuar pasi ka "hoqur dorë nga krimi". Policia ka gjetur gjithashtu rroba të njollosura me gjak që dyshohet t'i përkisnin vajzës.
Stalzer, e cila mbijetoi nga ky sulm i tmerrshëm, ka zbuluar detaje të dhunës, duke përshkruar se vajza e saj e adoptuar e goditi me dy thika dhe i vuri flakën flokëve dhe rrobave me deodorant dhe një çakmak.
