Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
BOTA
Uber fiton betejën e parë ligjore për sulmet seksuale nga shoferët, avokatët e viktimave bëjnë paralajmërimin e fortë
PiranjatPërditësimi i fundit 1 Tetor 2025, 16:28
Kompania Uber është shpallur jo përgjegjëse nga një juri në Kaliforni, në një çështje të rëndësishme ligjore që ka të bëjë me një sulm seksual të pretenduar ndaj një pasagjereje nga një shofer i saj.
Rasti lidhej me një ngjarje të ndodhur në vitin 2016, ku një studente pretendonte se ishte sulmuar seksualisht nga një shofer Uber gjatë një udhëtimi në mbrëmje. Sipas saj, shoferi e kishte ndaluar makinën në një rrugë të errët dhe kishte kryer veprime të pahijshme ndaj saj.
Gjyqi zgjati disa javë dhe përfundoi me vendimin se Uber nuk ishte ligjërisht përgjegjës për atë që ndodhi, edhe pse u pranua se kompania mund të kishte marrë më shumë masa për sigurinë e pasagjerëve.
Uber argumentoi se shoferët janë punonjës të pavarur dhe se kompania nuk mund të kontrollojë çdo veprim të tyre individual. Gjithashtu, përmendi se ka futur funksione sigurie në aplikacion, si ndarja e udhëtimit në kohë reale, butonat e urgjencës dhe verifikimi i shoferëve.
Ky ishte gjyqi i parë nga mbi 500 raste të ngjashme që janë ngritur në Kaliforni kundër Uber. Mijëra gra në SHBA kanë paditur kompaninë duke pretenduar se janë sulmuar nga shoferët e saj. Ky rast shërbeu si një provë për të parë si mund të shkojnë edhe gjyqet e tjera në të ardhmen.
Avokatët e viktimave thanë se ndonëse vendimi ishte zhgënjyes, beteja ligjore do të vazhdojë dhe ata do të kërkojnë drejtësi për viktimat e tjera.
