Gjykata e Tiranës ka caktuar masën e sigurisë detyrim paraqitjeje për 18 persona të arrestuar gjatë protestave në Tiran&eum...
BOTA
Vdes ushtari polak që ishte therur nga një emigrant në kufirin bjellorus
E.DPërditësimi i fundit 6 Qershor 2024, 22:44
foto ilustruese
BJELLORUSI- Një ushtar polak, i cili ishte therur nga një emigrantë në kufirin me Bjellorusinë, ka vdekur të enjten, njoftuan autoritetet polake. Ushtari, i identifikuar vetëm me emrin Mateusz, ishte therur pesë herë përmes gardhit metalik pesë metra të lartë derisa po e patrullonte kufirin, sipas mediave lokale.
Ushtria polake raportoi për dy sulme të tjera ndaj trupave të saj në kufi javën e kaluar. Njëri ushtar pësoi plagë nga therja me thikë të ngjitur në një shkop dhe një tjetër pësoi lëndime në fytyrë pasi u sulmua me një shishe të thyer. Polonia e ka akuzuar Rusinë se po e orkestron fluksin e emigrantëve drejt Polonisë përmes aleatit të Kremlinit, Bjellorusisë. Në fund të majit, kryeministri polak Donald Tusk tha se Qeveria e tij do ta kthejë zonën neutrale 200 metra të gjatë në kufi me Bjellorusinë në javën e parë të qershorit.
Në javët e fundit është rritur numri i emigrantëve që kanë tentuar ta kalojnë jashtëligjshëm kufirin, ndërsa rojet kufitare kanë raportuar për një numër incidentesh të dhunshme. Polonia synon t’i shpenzojë 2.55 miliardë dollarë për forcimin e kufirit me Bjellorusinë. Javë më parë, ministri polak i Mbrojtjes, Wladyslaë Kosiniak-Kamysz, tha se Polonia është e gatshme ta rrisë numrin e trupave në kufi nga 5.500 sa ka tani, por nuk tregoi se sa saktësisht.
