Ndërsa kryeministri Edi Rama akuzoi publikisht algoritmin e rrjeteve sociale për nxitje të protestave, të dhënat e siguruara nga BIRN...
BOTA
VIDEO/ Kina nuk ndalet, ndërton restorant në majën e urës më të lartë në botë
PiranjatPërditësimi i fundit 5 Tetor 2025, 14:40
Kina ka zbuluar zyrtarisht Urën e re të Kanionit të Madh Huajiang, kryqëzimin rrugor më të lartë në botë, i cili u përfundua në më pak se katër vjet dhe u përurua ditë më parë.
Projekti, përveçse është një arritje inxhinierike, po bëhet edhe një destinacion kryesor turistik, pasi përmban një restorant në majë, një shteg prej xhami dhe një ujëvarë në buzë të kanionit.
Ura mbresëlënëse Huajiang ngrihet 640 metra mbi lumin dhe shtrihet 1220 metra, duke ofruar pamje panoramike të një prej peizazheve më spektakolare të Kinës – të ashtuquajturës “çarje dheu”, kanioni i madh natyror në provincën Guizhou.
Përtej simbolikës së superioritetit teknologjik, ura e zvogëlon kohëzgjatjen e një udhëtimi që kërkonte dy orë në vetëm dy minuta, duke lehtësuar ndjeshëm lëvizjen e njerëzve dhe mallrave në një zonë të njohur për terrenin e saj të vështirë.
Megjithatë, projekti nuk kufizohet vetëm në funksionalitet. Në majë, në një lartësi prej 2,600 metrash, ndodhet një restorant me pamje panoramike, ndërsa e gjithë ura është projektuar si një park tematik.
Vizitorët mund të ecin në një shteg prej xhami, të përdorin një ashensor transparent me shpejtësi të lartë ose të bëjnë kërcim bungee mbi kanion. Një ujëvarë artificiale në buzë të urës plotëson spektaklin mbresëlënës.
Ura është pjesë e planit kombëtar të infrastrukturës së Kinës që synon të nxisë zhvillimin ekonomik të zonave të largëta si Guizhou, rreth 1,300 kilometra në perëndim të Shenzhen. Autoritetet thonë se projekti do të nxisë turizmin dhe transportin lokal, duke e bërë urën një simbol të ri të inxhinierisë moderne kineze.
Ura e Kanionit të Madh Huajiang është një urë e varur me një gjatësi totale prej 2,890 metrash. Trarët e saj metalikë peshojnë 22,000 tonë – pothuajse sa tre Kulla Eiffel – dhe dizajni i saj bazohet në materiale të përparuara për forcë dhe stabilitet aerodinamik, duke lejuar që ajo të përdoret edhe në kushte ekstreme të motit.
NEW: China officially opens the world’s tallest bridge, completing the project in under 4 years.
The bridge features a restaurant at the top, a whopping 2600 ft above the river.
The bridge not only cuts a 2-hour drive to 2 minutes, but also features as a theme park with a glass… pic.twitter.com/5lUA2XwjbV
