Gjykata e Tiranës ka caktuar masën e sigurisë detyrim paraqitjeje për 18 persona të arrestuar gjatë protestave në Tiran&eum...
BOTA
Video/ Momenti kur deputeti heq fshehurazi orën Rolex para se të dalë në kamera
PiranjatPërditësimi i fundit 22 Tetor 2025, 15:11
Një video e publikuar në rrjetet sociale ka shkaktuar valë reagimesh në Francë, pasi deputeti i partisë “Francës së Pamposhtur” (La France Insoumise), Louis Boyard shihet duke hequr fshehurazi orën e tij Rolex pak para se të dilte në një intervistë live për kanalin BFMTV.
Pamjet, të regjistruara në ambientet e Asamblesë Kombëtare u përhapën me shpejtësi në internet në një moment të ndjeshëm politik, pikërisht kur partia e Jean-Luc Mélenchon kishte depozituar një mocion mosbesimi kundër kryeministrit Sébastien Lecornu. Në video, Boyard, i njohur për qëndrimet e tij të ashpra kundër të pasurve dhe për retorikën anti-elitariste, shihet duke hequr orën nga dora dhe duke e vendosur në xhep përpara se kamerat të fillonin regjistrimin.
Ky gjest u interpretua nga shumë përdorues në rrjetet sociale si shenjë hipokrizie, duke vënë në dukje kontrastin mes fjalëve të tij kundër luksit dhe veprimeve të tij personale.
Pas kritikave, deputeti reagoi me një video shpjeguese në rrjetet sociale. Ai sqaroi se ora nuk ishte Rolex, siç kishin pretenduar disa portale, por një Tissot prej 295 eurosh, dhuratë nga miqtë e tij. Boyard tha se zakonisht e heq orën para intervistave për të mos e dëmtuar para kamerave dhe akuzoi disa media për dezinformim e “fushatë shpifjesh”.
Megjithatë, debati nuk është shuar. Kritikët e shohin këtë episod një simbol të kontradiktave të së majtës franceze mes diskursit kundër elitave dhe realeve personale të përfaqësuesve të saj.
