Në fjalën e saj në Kuvend Ina Zhupa ka mbajtur një qëndrim të ashpër ndaj qeverisë Rama.
Zhupa theksoi se ësht&e...
BOTA
VIDEO/ "Nuk dorëzohem!" Kryebashkiaku i Stambollit mesazh publik para arrestimit: Dërguan qindra policë në shtëpinë time! Duan të përmbysin vullnetin e kombit
M.B.Përditësimi i fundit 19 Mars 2025, 08:12
STAMBOLL- Kryebashkiaku i Stambollit Ekrem Imamoglu është arrestuar gjatë një operacioni të madh policor dhe pas një hetimi për institucionin që ai drejton. Sipas mediave turke, në operacion u përfshin 3000 policë, ndërsa janë lëshuar urdhër arreste për më shumë se 100 persona, duke përfshirë bashkëpunëtorë të Imamoglu. Urdhër-arrestet janë lëshuar pas akuzave për korrupsion dhe abuzim me tenderat në bashkinë e Stambollit, si edhe lidhje me organizatën terroriste PKK.
Zyra e prokurorit të Stambollit tha se urdhrat e arrestit janë lëshuar për 100 persona, duke përfshirë drejtues të dyshuar të një organizate kriminale, Ekrem Imamoglu, Murat Ongun, Tuncay Yilmaz, Fatih Keles dhe Ertan Yildiz. Hetimi ka në fokus veprimet e kompanisë Medya AS dhe projektin “Urban Consensus”.
Në një video të postuar nga Imamoglu nga shtëpia e tij, kryetari i Stambollit shprehej se po përgatitej për arrestimin e tij. Ai deklaroi se nuk do të dorëzohet dhe se do të vazhdojë betejën kundër Erdoganit. Dhe në fakt, pamjet e transmetuara nga kanalet turke tregojnë forca të shumta policore jashtë shtëpisë së Ekrem Imamoglu dhe të paktën 20 automjete policie në zonë.
“Një grusht njerëzish po përpiqen të përmbysin vullnetin e kombit tonë dhe dërguan qindra policë në shtëpinë time. Dua t’ju them se nuk do të dorëzohem. Fatin ia besoj kombit. Të gjithë duhet ta dinë se unë do të qëndroj i vendosur në pozicionet e mia. Unë do të vazhdoj të luftoj kundër politikanëve që e përdorin këtë proces”, tha ai.
Zëdhënësi i shtypit i Imamoglu, Murat Ongun, njoftoi gjithashtu arrestimin e tij, duke shkruar se ndodhet në paraburgim.
“Jam në paraburgim. Ata mendojnë se duke na mbyllur gojën, mund të na pengojnë të mbrojmë dhe mbështesim Ekrem Imamoglun. U bëj thirrje qytetarëve tanë që kanë llogari në të gjitha platformat e mediave sociale: Që tani e tutje Imamoglu i beson kombit turk. Ata nuk mund ta mposhtin kombin”, njoftoi ai.
