Ka nisur protesta e pestë në mbrojtje të Zvërnecit, ku qytetarët kundërshtojnë projektin për ndërtimin e një r...
BOTA
Vrasja e 15-vjeçares në Prizren/ Autori i dyshuar sulmoi bashkëshorten dhe dy vajzat e tij me thikë 20 cm kur ishin në gjumë: Duhet të vdesim të gjithë!
n.fPërditësimi i fundit 8 Maj 2025, 12:51
PRIZREN- Prizreni është tronditur mëngjesin e së martës pas një krimi të rëndë në familje ku për pasojë humbi jetën një 15-vjeçare turke. Krimin po dyshohet se e kreu babai i saj, Mehmet Gorenç. Ai tashmë është dërguar në paraburgim, pasi Gjykata Themelore në Prizren aporovoi kërkesën e Prokurorisë.
Detaje të reja janë zbardhur nga dëshmia e gruas e cila ka zbuluar se çfarë i ka thënë bashkëshorti teksa ka plagosur edhe atë së bashku me dy vajzat e tyre. Gjithçka dyshohet se ndodhi pas orës 05:00 të mëngjesit, kur i dyshuari nisi t’i sulmojë të bijat që ishin në gjumë. Fillimisht ai ka qëlluar me thikë 15-vjeçaren, e cila nuk arriti të mbijetojë dhe vdiq në vendin e ngjarjes.
Krimi i rëndë u krye me një thikë mbi 20 centimetra, me të cilën i dyshuari e goditi edhe vajzën tjetër rreth 10-vjeçare, që mbeti e plagosur rëndë, si dhe bashkëshorten e tij, e cila pësoi lëndime më të lehta trupore. Autori i dyshuar i është drejtuar gruas së tij se “duhet të vdesim të gjithë”.
Gorenç do të hetohet, nën dyshimin se ka kryer veprat “Vrasje e rëndë”, “Vrasje e rëndë e mbetur në tentativë” dhe “Armëmbajtje pa leje”. Masa e sigurisë është caktuar në seancën dëgjimore të mbajtur dje dhe do të zgjashë 30 ditë.
