Banorët e Lagjes 8 në Durrës kanë denoncuar në Piranjat news, për gjendjen e rrugës pas punimeve të kryera nga Ujë...
SOCIALE
"Gruaja ime do ta urrejë këtë"/ George Clooney shokon fansat me ndryshimin drastik në pamje, duket thuajse i panjohur në New York (FOTO)
m.lPërditësimi i fundit 2 Prill 2025, 14:46
SHBA- George Clooney u shfaq së bashku me Julia Roberts përpara teatrit Winter Garden në Broadway, New York, ku ndaloi për të bërë foto me fansat dhe për të dhënë autografe. Megjithatë, ajo që tërhoqi më shumë vëmendjen ishte pamja e tij e re. Clooney, 64 vjeç, ka ndryshuar imazhin e tij duke lyer flokët nga ngjyra e tij karakteristike gri në kafe, një ndryshim që e bëri enkas për rolin e tij në një shfaqje teatrale në Broadway.
Përveç ndryshimit të ngjyrës së flokëve, aktori ka adoptuar një stil të ri, duke i dhënë vetes një pamje të ngjashme me atë të mafiozëve italianë, me flokë të lëmuar dhe syze dielli me xhama në nuancë blu-vjollcë.
Clooney luan në shfaqjen “Good Night, and Good Luck”, një adaptim teatror i filmit me të njëjtin titull nga viti 2005, për të cilin ai vetë shkroi skenarin, e drejtoi dhe luajti. Shfaqja pati premierën e saj paraprake më 12 mars, ndërsa premiera zyrtare është planifikuar për 3 prill. Clooney interpreton rolin e gazetarit dhe legjendës televizive Edward R. Murrow.
Ndryshimi i tij u vu re për herë të parë në shkurt, dhe shumë njerëz menduan fillimisht se ishte një krizë e moshës së mesme, pa e ditur arsyen e vërtetë pas këtij transformimi. Madje, vetë aktori ka pranuar se nuk është shumë i kënaqur me këtë ndryshim.
“Gruaja ime do ta urrejë këtë, sepse nuk ka gjë që e bën një burrë të duket më i vjetër sesa kur ai i lye flokët. Fëmijët e mi do të qeshin me mua,” ka thënë Clooney me humor. Ai dhe bashkëshortja e tij, Amal, janë prindër të binjakëve Ella dhe Alexander, të cilët janë shtatë vjeç.
