"Unë nuk e urrej Diddy-n"/ Dëshmia e Cassie Ventura në gjyqin e reperit: Ndjej dashuri për të kaluarën dhe gjithçka që ishte!

SHBA- Si pjesë e dëshmisë së saj në gjyqin e Diddy-t, Cassie Ventura, ish-partnerja e reperit, deklaroi se nuk e urren atë, pavarësisht akuzave serioze për abuzim seksual që ka bërë kundër tij. Ajo madje theksoi se ende ka ndjenja dashurie për të kaluarën e tyre.

Këngëtarja, e cila akuzon Diddyn për vite me radhë abuzimesh, mori pyetje të drejtpërdrejta nga avokatja mbrojtëse e të pandehurit, Anna Estevao, gjatë dëshmisë së saj njëorëshe. 

"A e urren Diddy-n sot?" Pyeti Estevao

Ventura u përgjigj: Unë nuk e urrej atë.

Avokati vazhdoi duke pyetur: A e do ende?

"Ndjej dashuri për të kaluarën dhe gjithçka që ishte," iu përgjigj Cassie jurisë.

Këto deklarata erdhën në një moment kritik gjatë marrjes në pyetje, kur Estevao po e ushtronte presion mbi këngëtaren në lidhje me bisedën që ajo pati me Diddy-n  për t'i dhënë fund lidhjes së tyre në vitin 2018, kur ata më në fund vendosën të ndaheshin. Ventura ka dëshmuar se pas një darke lamtumire, Diddy e shoqëroi në shtëpinë e saj dhe e sulmoi seksualisht në dyshemenë e dhomës së ndenjes.

Ky fragment binte në sy veçanërisht, pasi në gati dy ditë pyetjesh, Ventura kishte shmangur komentimin mbi ndjenjat e saj aktuale për ish-partnerin e saj. Pranimi i saj se nuk e urren atë, por ruan dashurinë për të kaluarën e tyre, ishte një nga momentet më personale dhe njerëzore të dëshmisë së saj.