Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
INVESTIGIME
Akuzoi Veliajn për aferën e inceneratorëve, si i ankohej italiani autorit të emisionit “Piranjat” për mediat në Shqipëri
PiranjatPërditësimi i fundit 30 Shtator 2025, 14:08
Italiani Gabriele Tarroni Longinotti, të cilit sot mediat pranë qeverisë i publikuar një deklaratë ku tërhiqej nga denoncimet e tij, i ankohej më parë autorit të “Piranjave”, Taulant Koplikaj se mediat në Shqipëri nuk dëgjonin dëshmitë e tij në lidhje me përfshirjen e Erion Veliajt në atë që opozita e ka konsideruar si afera e shekullit të djegësve që dogjën vetëm paratë e shqiptarëve dhe jo mbeturinat e tyre siç kishte pretenduar jo vetëm qeveria, por edhe mediat e saj.
Ndërsa në bisedën me Koplikajn pas intervistës së ish-ministrit të Financave Arben Ahmetaj, italiani pretendonte se do të vazhdonte luftën, tani duket se jo vetëm e ka lënë në mes atë, por ka marrë drejtim tjetër, me gjasë të “paditur” dhe nuk dihet nëse në lojë janë ende paratë e inceneratorëve.
Italiani u shpreh i pakënaqur që deklaratat e Ahmetajt merreshin seriozisht, ndërsa fjala e tij injorohej.
Gabriele Tarroni Longinotti: Ai thotë të njëjtat gjëra që them unë, por ata nuk më dëgjojnë
Autori i emisionit "Piranjat": Fatkeqësisht, po! Por është gjithashtu e vërtetë se ai ishte ministër i financave.
Gabriele Tarroni Longinotti: Do të vazhdoj të luftoj. Për sa kohë që jam gjallë, do të luftoj për drejtësi.
