Zbardhen detaje rreth profilit të autori ttë ngjarjes në Maliq, që vrau një polic dhe plagosi një tjetër. Violand Bracellar...
INVESTIGIME
E akuzuan, e burgosën dhe e përjashtuan nga Policia, historia e ish-policit shkodran që u arrestua padrejtësisht nga kolegët e tij
M.BPërditësimi i fundit 6 Dhjetor 2024, 22:42
SHKODRA- Ruzhdi Bajrakurtaj, 60-vjeçari shkodran, ish-punonjës Policie për rreth 30 vite, ka ndarë në emisionin Piranja historinë e tij, se si e akuzuan për diçka që s’e kishte bërë, pa fakte, madje me fakte fiktive të themi, e arrestuan kolegët e tij, e burgosën dhe më pas e shpallën të pafajshëm.
Ruzhdiu u arrestua më datë 20 maj 2019, pasi akuzohej për “shpërdorim detyre“ dhe “korrupsion“, lidhur me disa ndërtime pa leje në zonën e Plazhit në Velipojë. Por këtu qendron i gjithë problemi, pasi Bajrakurtaj nuk ka punuar asnjëherë në atë zonë, por ka mbajtur postin e Specialistit të Zonës në fshatin Rrjoll, disaa kilometra larg nga zona e Plazhit në Velipojë. Mirëpo në dokumentet që SHÇBA ia ka referuar Prokurorisë, përshkruhet sikur këto ndërtime pa leje, në rrugët e Plazhit të Velipojës, nuk ndodhen në Velipojë, por në fshatin Rrjoll, aty ku ka patur shërbimin Ruzhdiu.
Pas 3 ditëve paraburgim dhe 67 ditëve “arrest shtëpie“, Ruzhdiu mori masën “detyrim paraqitje“ dhe më pas u shpall i pafajshëm për akuzat e ngritura, duke marrë dhe dëmshpërblim për ditët e burgut.
Mirëpo masa disiplinore ekstreme “Përjashtim nga Policia e Shtetit“, e dhënë nga Gjovalin Loka, asokohe drejtues për Sigurinë Publike në Shkodër dhe e firmosur më pas nga Ardi Veliu, asokohe Drejtor i Përgjithshëm në Policinë e Shtetit, i shkaktoi Ruzhdiut një dëm të pakthyeshëm. Pamundësia për t’u rikthyer sërish në radhët e Policisë së Shtetit. Për këtë, ai paditi institucionin duke kërkuar rikthimin në punë, gjë që mund të ndodhë vetëm pas vendimit të formës së prerë nga gjykata e Apelit Administrativ.
