Profesori i njohur amerikan i ekonomisë, Steve Hanke, ka reaguar lidhur me revoltën studentore në Shqipëri, duke bërë thirrje t&...
INVESTIGIME
Gratteri për Piranjat: Mafia shqiptare ortake me Ndrangheta kalabreze
PiranjatPërditësimi i fundit 31 Maj 2026, 13:33
Në intervistën për Piranjat, Nicola Gratteri paralajmëron se mafia shqiptare po forcon pozitat e saj në Europë, veçanërisht në Holandë dhe Belgjikë, duke marrë një rol gjithnjë e më të rëndësishëm në trafikun ndërkombëtar të kokainës. Sipas tij, grupet shqiptare po bashkëpunojnë ngushtë me organizatën mafioze italiane ’Ndrangheta, duke u bërë faktor kyç në logjistikën dhe shpërndarjen e lëndës narkotike drejt porteve të Europës Veriore.
Gratteri thekson se kjo është një strukturë kriminale që nuk duhet nënvlerësuar, për shkak të organizimit, lidhjeve të forta familjare dhe disiplinës së saj të brendshme.
Gratteri: Mafia shqiptare është në rritje ndërkohë. Është një mafia që tani e shohim mjaft të konsoliduar në Evropën Veriore, Veçanërisht në Hollandë dhe në Belgjikë dhe prej disa vitesh kemi filluar ta shohim në ortakëri, në marrëdhënie me “Ndranghetan”, Sidomos në Amerikën e Jugut.
Po vërtetohet se “Ndrangheta” mbeten financuesit, organizatorët. Pastaj, për sa i përket logjistikës, domethënë të bërit që kokaina të mbërrijë në veri të Europës, po bëhet ekskluzivitet i mafies shqiptare. Kjo, për sa kohë ka të bëjë me trafikun e kokainës. E shohim shumë të fortë në logjistikë, për të bërë të mundur mbërritjen e kokainës në portet e Evropës Veriore. Është një mafia që i ngjan Ndranghetas.
I ngjan për nga brutaliteti, ngjan në strukturë, për nga lidhja e gjakut.
Kështu që unë them se është një mafia të cilës duhet t'i kushtoni shumë vëmendje, mos të nënvlerësohet absolutisht. Sepse kur strukturat janë të qëndrueshme, janë të vështira, kanë zbatimin me fanatizëm të rregullave, janë mafie të frikshme. Pra, ne po shkojmë përtej prodhimit të marihuanës në Shqipëri dhe sjelljes së saj përmes asaj që mbetet të Sacra Corona Unita, Nëpërmjet Kanalit të Otrantos, nëpërmjet Brindisit.
Por e ardhmja do të jetë transporti i kokainës në Evropë Në Evropën Veriore në veçanti./piranjat news
