Inspektorati i Lartë i Deklarimit dhe Kontrollit të Pasurive dhe Konfliktit të Interesit (ILDKPKI) raporton se gjatë vitit 2025 ka vijuar ...
INVESTIGIME
Policia Shkodër: Pas denoncimit të “Piranjave” u arrestua pedofili i Trushit
PiranjatPërditësimi i fundit 6 Shtator 2025, 12:12
Specialistët për Hetimin e Krimeve në Komisariatin e Policisë Shkodër njoftuan zyrtarisht këtë të shtunë se, falë denoncimit të bërë nga emisioni “Piranjat”, u arrestua pedofili Gazmend T., i kthyer në tmerr për të miturat në fshatin Trush.
Në njoftimin zyrtar, Policia e Shkodrës thekson se 43-vjeçari, i cili kishte komunikime me përmbajtje intime me të mitura, tashmë ndodhet pas hekurave.
“Specialistët për Hetimin e Krimeve të Komisariatit të Policisë Shkodër, pas denoncimit të bërë nga emisioni ‘Piranjat’, se një shtetas 43-vjeçar kishte komunikime me përmbajtje intime me një shtetase të mitur dhe i kërkonte që ajo ta takonte, ndaluan me iniciativë, për veprën penale ‘Vepra të turpshme’, shtetasin G. T., 43 vjeç, banues në fshatin Trush”, thuhet në njoftim.
“Piranjat” e trajtuan rastin me seriozitet maksimal dhe duke ndjekur dinamikën e ngjarjes dhe identifikimin e këtij 43-vjeçari, bashkëpunuan me Policinë për ndalimin e menjëhershëm të tij. Historinë e plotë të maniakut që ngacmonte seksualisht të miturat në fshatin Trush, do ta ndiqni në puntatën e parë të emisionit “Piranjat”.
Së shpejti, në Syri TV.
Të gjitha të drejtat e këtij materiali janë pronë ekskluzive dhe e patjetërsueshme e Piranjat.al, sipas ligjit Nr. 35/2016 “Për të drejtën e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi pa autorizimin e Piranjat.al, në të kundërt çdo shkelës do të mbajë përgjegjësi sipas nenit 179 të Ligjit 35/2016.
