Detaje të reja dhe zhvillime të bujshme vijnë nga hetimet për përplasjen me armë në Maliq, ku mbeti i vrarë një e...
KOSOVA
Akuzon Veton Berishën për ego personale pas mosvotimit të 'Qeverisë Kurti 3'/ Ministri Krasniqi: Sot humbi Kosova dhe komuniteti egjiptian
PiranjatPërditësimi i fundit 26 Tetor 2025, 16:56
Ministri në detyrë i Administrimit të Pushtetit Lokal, Elbert Krasniqi, ka reaguar ashpër pas mosvotimit të Qeverisë Kurti 3 në seancën e së dielës, duke e quajtur këtë një humbje për Kosovën dhe për komunitetin egjiptian.
Në një postim në Facebook, Krasniqi ka akuzuar deputetin e këtij komuniteti, Veton Berisha, për veprime të motivuara nga ego personale. Ai tha se Berisha refuzoi të mbështeste Qeverinë Kurti 3 për shkak të një mosmarrëveshje të lidhur me emrin e Krasniqit në kabinetin qeveritar. Sipas tij, kjo nuk kishte asnjë lidhje me interesat e komunitetit, por ishte një tentativë për të ruajtur pozita personale.
“Mosvotimi i Qeverisë Kurti 3 është zhgënjyes për të gjithë ata që kanë besuar në bashkëpunim, mbështetje dhe respekt të ndërsjellë. Qeveria Kurti 2 ka qenë një aleat i sinqertë i komuniteteve pakicë, duke dëshmuar me vepra se barazia nënkupton dyanshmëri,” ka shkruar Krasniqi.
Krasniqi ka theksuar se, në propozimin e kabinetit qeveritar, nuk ishte përfshirë emri i tij si mundësi për të siguruar votën e Berishës. Ai ka shtuar se Berisha ka refuzuar edhe një ministër tjetër nga komuniteti egjiptian, vetëm për të ruajtur pozitat e tij personale dhe ka akuzuar deputetin për "pazare dhe shantazhe" që i atribuohen stilit të tij politik që ka përdorur prej vitit 2014.
Në përfundim, Krasniqi ka thënë se komuniteti duhet të jetë gjithmonë përpara partisë dhe qytetari duhet të jetë para politikës. Ai e mbylli postimin duke paralajmëruar se vota e komunitetit në zgjedhjet e ardhshme do të japë një përgjigje për veprimet e Berishës, ashtu siç ka ndodhur edhe në vitin 2020, kur ishin rrëzuar Qeveria Kurti 1.
