Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
KOSOVA
"Qeverinë pa LVV-në"/ Deputetja e LDK-së: Në zgjedhjet e ardhshme do të punojmë të dalim të parët
PiranjatPërditësimi i fundit 25 Tetor 2025, 13:00
Deputetja e Lidhjes Demokratike të Kosovës, Hykmete Bajrami, pas dështimit të formimit të Qeverisë së re në Kuvendin e Kosovës, ka deklaruar se partia e saj do të punojë fort për të dalë e para në zgjedhjet e ardhshme parlamentare dhe ka theksuar se preferenca e LDK-së është që të krijohet një qeveri pa Lëvizjen Vetëvendosje (LVV).
Në një deklaratë për media, Bajrami tha: "Në zgjedhjet e reja ne do të punojmë shumë që të dalim partia e parë dhe mandej preferojmë që vendit t’i japim një qeveri pa Lëvizjen Vetëvendosje. Ndërkohë zhvillimet bëhen dhe për të gjitha koalicionet njoftoheni me kohë".
Ajo shtoi se opozita nuk ka shfaqur interes për të formuar një qeveri dhe se LDK-ja ka propozuar formimin e një qeverie të përkohshme për të tejkaluar krizën aktuale politike. Bajrami po ashtu theksoi se LDK ka pasur bisedime me partitë e minoriteteve, të cilat nuk kanë shprehur mbështetje për krijimin e shumicës, duke përmendur edhe sfidat që lidhen me numrat për zgjedhjen e presidentit në mars.
"Ne nuk kemi ndryshuar mendim, ne kemi pasur mendim që vendit edhe gjatë kësaj periudhe i është dashur një qeveri e ish-partive opozitare. Ne kemi biseduar me partitë e minoriteteve dhe na kanë thënë se nuk iu japim mbështetje, andaj si ka pasur askush numrat dhe gjithashtu e kemi pasur parasysh që në mars na duhen 80 vota për pozitën e presidentit. Pra, nuk i kemi pasur numrat", u shpreh Bajrami.
