Enrik Bozo një prej fermerëve te Levanit është përballur me dëme kolosale nga zjarri i ditëve të fundit pasi i jan&eum...
KOSOVA
Dosja voluminoze për “Ibër Lepenc” – Si funksiononte grupi që trajnohej nga Serbia për operacione në Kosovë
PiranjatPërditësimi i fundit 11 Dhjetor 2025, 18:21
Të dhënat e inteligjencës, të përfshira në aktakuzën ndaj Jovan Viçentijeviç, zbulojnë skemën më të detajuar deri tani të trajnimeve ushtarake që Serbia dyshohet t’i ka organizuar për grupe të strukturuara nga veriu i Kosovës. Sipas dëshmisë së të akuzuarit për sulm në “Ibër-Lepenc”, këto trajtime u zhvilluan në kampin ushtarak “Pasuljanske Livade”, një prej zonave më të izoluara dhe më të përdorura nga ushtria serbe për stërvitje taktike.
Sipas aktakuzës që ka parë Gazeta Insajderi grupi nuk ishte spontan dhe i rastësishëm. Ai funksiononte si një njësi e vogël paramilitare, me strukturë të brendshme, role të ndara dhe lidhje direkte me figurat kyçe të rrjeteve ilegale në veri.
Në total, në kamp ishin 120 persona nga veriu i Kosovës. Të gjithë serbë. Të gjithë të përzgjedhur.
Rekrutimi, sipas Viçentijeviçit, bëhej përmes një rrjeti të vogël ndërmjetësuesish lokalë, disa prej tyre pjesëtarë të “Mbrojtjes Civile”, të tjerët të lidhur me bizneset e kontrabandës në Zubin Potok, Leposaviq dhe Zveçan. Grupet ndaheshin sipas komunave dhe secili kishte komandantët e vet.
Hierarkia brenda kampit
Në majë, sipas dëshmisë, qëndronin dy instruktorë të ushtrisë serbe: Aleksandar Kosanin, epror nga Kragujevci dhe Oficeri me pseudonimin “Stole”
Të dy drejtonin programin e trajnimit. Ata vendosnin ritmin, përcaktonin ushtrimet dhe kishin qasje të pakufizuar në të gjitha grupet. Në kamp, telefoni ishte i ndaluar, përveç dy personave të autorizuar, njërit me nofkën “Mami”, që sipas aktakuzës kishte rol mbikëqyrës.
Për çka trajnohej grupi?
Një nën-grup i veçantë prej 12 personash merrej ekskluzivisht me eksplozivët. Aty, sipas Viçentijeviçit, trajnoheshin teknikat për përdorimin e C4, dinamitit dhe improvimin e pajisjeve shpërthyese.
Nga ky grup, ai identifikon emra që janë hasur shpesh në dosjet e strukturave ilegale:
Milos Vukomanoviq, i njohur për lidhje me rrjetet financiare të veriut. “Dashe”, të cilit, siç thotë ai, i ishte dhënë banesë e re nga strukturat paralele serbe më 16 nëntor 2024. Dragoslav (Jevto) Igrutinoviq, i përfshirë në kontrabandë nëpër rrugët malore dhe Radivoje (Rasko) Besoviq, figurë e njohur e “Mbrojtjes Civile”.
Pjesëmarrja e ish-policëve të Kosovës
Aktakuza zbulon edhe një detaj të rëndë: në trajnim kanë marrë pjesë ish-policë të Kosovës, të cilët më herët kishin dhënë dorëheqje nga Policia. Disa prej tyre, sipas Viçentijeviçit, janë: Ivan Djuriç, Sreçko Vukoviç dhe një person me mbiemrin Djuriç nga lagjja “Djuroviçe”
Si lidhet ky trajnim me sulmin në Banjskë? Një nga pjesët më peshuese të aktakuzës lidh drejtpërdrejt trajnimin me sulmin terrorist të 24 shtatorit 2023 në Banjskë.
Sipas dosjes, më 24.09.2023, ora 11:56, Viçentijeviç pranoi në Viber një lokacion në Google Maps nga numri i regjistruar në emër të Zhivko Jakshiç. Ky lokacion përputhej me pikën ku ndodheshin terroristët dhe ku rruga ishte e bllokuar.
Prokuroria konsideron këtë si provë të qartë se Jakshiç ka qenë pjesëmarrës në sulm, dhe se Viçentijeviç po i ndihmonte për t’u tërhequr nga zona, pikërisht ditën e aksionit.
