Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
KOSOVA
“Gropa”, 46 vjet burg dhe 39 mijë euro gjobë për 11 të akuzuarit për trafik droge nga Irani
PiranjatPërditësimi i fundit 15 Tetor 2025, 20:12
46 vjet burgim dhe 39 mijë euro gjobë u ka shqiptuar Gjykata e Ferizajt 11 të akuzuarve për rastin “Gropa”. Sipas Gjykatës, këta persona janë gjetur fajtorë pasi në muajin prill deri në muajin maj të vitit 2022 kishin organizuar transportin e lëndës së parë për prodhimin e lëndës narkotike-heroinës nga Irani në Turqi dhe Greqi, pastaj në Maqedoni të Veriut deri në destinacion në një depo në rrugën “A.B.” në Ferizaj.
Përmes një komunikate të lëshuar sot, më 15.10.2025, Gjykata thekson se të akuzuarit S.Sh., A.D., B.H., S.Z., F.D., M.Y., A.D., H.I., S.Y., S.D. dhe M.Sh. janë dënuar për shkak të veprës penale prodhimi dhe përpunimi i paautorizuar i narkotikëve, substancave psikotrope, analoge apo veglave, pajisjeve apo materialeve narkotike.
Sipas Gjykatës, të akuzuarve S.Sh. dhe A.D. i është shqiptuar secilit veç e veç dënim me burg efektiv në kohëzgjatje nga pesë vjet e gjashtë muaj dhe dënim me gjobë secili veç e veç në shumë prej 5 mijë euro, i cili dënim do të paguhet brenda një muaji nga dita kur aktgjykimi merr formën e prerë.
Të akuzuarit Z.S. Gjykata i ka shqiptuar dënim me burg në kohëzgjatje prej pesë vjet dhe dënim me gjobë në shumën prej 5 mijë euro, i cili dënim do të paguhet brenda një muaji nga dita kur aktgjykimi merr formën e prerë.
Të akuzuarit S.Y. Gjykata i ka shqiptuar dënim me burg në kohëzgjatje prej katër vjet e gjashtë muaj dhe dënim me gjobë në shumën prej pesë mijë euro, i cili dënim do të paguhet brenda një muaji nga dita kur aktgjykimi merr formën e prerë.
Të akuzuarit F.D., M.Y., A.D. dhe H.I. Gjykata i ka dënuar secilin veç e veç me dënim me burg në kohëzgjatje prej katër vjet dhe dënim me gjobë secilin veç e veç në shumën 3,000 euro, i cili dënim do të paguhet brenda një muaji nga dita kur aktgjykimi merr formën e prerë.
Të akuzuarit B.H. Gjykata i ka shqiptuar dënim me burg në kohëzgjatje prej tre vjet e gjashtë muaj dhe dënim me gjobë në shumën 3,000 euro, i cili dënim do të paguhet brenda një muaji nga dita kur aktgjykimi merr formën e prerë.
Gjithashtu, të akuzuarve S.D. dhe M.Sh. secilin veç e veç Gjykata e ka dënuar me dënim me burg në kohëzgjatje prej tri vjet dhe dënim me gjobë secilin veç e veç në shumën 2,000 euro, i cili dënim do të paguhet brenda një muaji nga dita kur aktgjykimi merr formën e prerë.
Ndërsa, Gjykata thekson se të akuzuarve S.Sh. dhe A.D. në dënimin e shqiptuar u llogaritet edhe koha e kaluar në paraburgim dhe arresti shtëpiak nga data e caktimit 15.02.2022 deri me 14.10.2025, me aktvendim të veçantë i ndërpritet masa.
Po ashtu, të akuzuarve S.Z., F.D., A.D., M.Y., A.D., H.I. dhe S.Y. Gjykata thot se u llogaritet koha e kaluar në paraburgim nga data 15.05.2022, ndërsa u vazhdohet masa e paraburgimit deri sa aktgjykimi të marrë formën e prerë, por jo më shumë se dënimi i shqiptuar.
