Pas pushimeve verore, deputetët rikthehen nesër në Kuvend, me nisjen e sesionit të ri parlamentar.
Seanca e parë plenare e sesionit ...
KOSOVA
Kryetari republikan i Nënkomisionit për Evropën në SHBA: Serbia ta njohë sovranitetin e Kosovës
PiranjatPërditësimi i fundit 3 Dhjetor 2025, 21:39
Kryetari republikan i Nënkomisionit për Evropën në Dhomën e Përfaqësuesve, Keith Self, ka vlerësuar se Ballkani Perëndimor është rajoni më i paqëndrueshëm në Evropë pas pushtimit të Ukrainës nga Rusia, duke theksuar se mungesa e normalizimit mes Kosovës dhe Serbisë rrit tensionet rajonale.
“Edhe pse konflikti i hapur është qetësuar që nga shpërbërja e Jugosllavisë në vitet 1990, përçarjet etnike, ndryshimet kufitare dhe mosbesimi politik vazhdojnë të ndikojnë në rajon. Marrëdhënia e pazgjidhur e Serbisë me Kosovën është një nga nxitësit kryesorë të paqëndrueshmërisë, duke krijuar një vijë strategjike që Rusia mund ta shfrytëzojë për të minuar aftësinë e BE-së dhe NATO-s për të fuqizuar vendet e Ballkanit,” tha Self.
Ai shtoi se Marrëveshja e Ohrit e vitit 2023, që synonte uljen e tensioneve dhe ringjalljen e marrëveshjeve të kaluara, ka ngecur për shkak të krizës zgjedhore në Kosovë dhe dështimit për të formuar një qeveri pas zgjedhjeve të 25 shkurtit.
Self shprehu shpresën se pas zgjedhjeve të 28 dhjetorit, nëse formohet qeveria e re, Serbia do të njohë sovranitetin e Kosovës.
Self gjithashtu ngriti shqetësime për frikën e Kosovës për të themeluar Asociacionin e Komunave me Shumicë Serbe dhe shkeljet e të drejtave të shqiptarëve në Luginën e Preshevës.
Ai vuri në dukje pasivizimin e adresave si një përpjekje për të minuar komunitetin shqiptar, ndërkohë që kundërshtarët e Amerikës po shfrytëzojnë këto dobësi për të shtuar paqëndrueshmërinë në rajon.
Përveç ndikimit rus, Self paralajmëroi edhe rrezikun e zgjeruar të ndikimit kinez në rajon, përmes stërvitjeve ushtarake, dërgimit të armëve dhe nënshkrimit të marrëveshjeve ekonomike që shfrytëzojnë korrupsionin lokal.
Ai e përshkroi Ballkanin Perëndimor si “shpesh të neglizhuar”, por theksoi se ekzistojnë ende mundësi për përmirësimin e stabilitetit, paqes dhe prosperitetit, duke nënvizuar rëndësinë e rolit të lidershipit amerikan.
