Kreu i Partisë Demokratike, Sali Berisha, ka zhvilluar në Elbasan “Foltoren e Riprotritjes” së PD-së, ku ka folur për situa...
KOSOVA
Kurti: Nëse nuk zgjidhet presidenti, vendi shkon në zgjedhje të reja
PiranjatPërditësimi i fundit 25 Shtator 2026, 17:23
Kryeministri Albin Kurti ka deklaruar se nëse Kuvendi nuk arrin ta zgjedhë presidentin e ri të Kosovës, vendi mund të shkojë në zgjedhje të reja. Sipas tij, këto do të ishin zgjedhjet e katërta brenda më pak se dy vitesh. Kurti ka vlerësuar se një skenar i tillë do të ishte i panevojshëm, pasi Kuvendi aktual ka mundësi që ta përfundojë procesin e zgjedhjes së presidentit.
“Nëse nuk do të arrijmë të zgjedhim president të ri, do të shkojmë në zgjedhje që do të jenë të katërta në më pak se dy vite. Zgjedhjet e reja janë të panevojshme. Kemi Kuvend dhe ky Kuvend mund t’i japë vendit president ose presidente”, ka thënë Kurti.
Ai ka theksuar se në Kosovë presidenti nuk zgjidhet përmes zgjedhjeve të drejtpërdrejta, por nga Kuvendi.
“Duhet ta kuptojmë se në Kosovë nuk ka zgjedhje presidenciale. Zgjedhjet e reja do të jenë sërish për Kuvend e Qeveri”, është shprehur ai.
Kurti ka ngritur edhe pyetjen se çfarë do të zgjidhej përmes zgjedhjeve të reja, nëse një Kuvend i ri do të përballej me të njëjtën vështirësi për zgjedhjen e presidentit.
“Pse të shkojmë sërish në zgjedhje për ta konstituuar Kuvendin, i cili nuk arrin që të zgjedhë sërish president?”, ka deklaruar kryeministri.
