Kryetari i Partisë Demokratike, Sali Berisha, ka folur për mediat para Kuvendit, ku ka kundërshtuar mënyrën se si, sipas tij, po proc...
LIFESTYLE
Blogerja britanike zbulon trukun magjik kundër erës së duhanit në shtëpi
PiranjatPërditësimi i fundit 14 Nëntor 2025, 13:18
Një nga aromat më të vështira për t’u zhdukur në çdo shtëpi është ajo e tymit të duhanit. Por një truk i thjeshtë, i ndarë nga bloggerja britanike e pastrimit Sophie Hinchliffe, po rezulton zgjidhja më e shpejtë dhe më efektive për t’i dhënë fund kësaj ere të pakëndshme.
Historia nisi kur një grua u ankua se shtëpia ku ishte shpërngulur kishte ende aromë të fortë duhani, të mbetur nga pronarët e mëparshëm. Ndjekësit e Hinchliffe i sugjeruan gjithçka nga lyerja e mureve deri te rinovimi i plotë por asgjë nuk ofronte rezultat të menjëhershëm.
Nga të gjitha idetë, u veçua një truk i vjetër e shumë i thjeshtë: përdorimi i sapun-it me sheqer, një produkt pastrimi që heq shtresat e nikotinës të krijuara ndër vite në mure dhe sipërfaqe. Ekspertët rekomandojnë që përpara pastrimit të largohen tekstilet perdet, jastëkët, batanijet dhe qilimat sepse këto e mbajnë më shumë aromën e duhanit.
Në komente u përmendën edhe metoda të tjera si bojërat që bllokojnë aromat ose lënia e enëve me qepë të copëtuar nëpër dhoma. Por shumica e këtyre teknikave kërkojnë kohë dhe nuk janë praktike.
Për zgjidhje të menjëhershme, specialistët theksojnë se tre metoda funksionojnë më shpejt se çdo gjë tjetër: • tasat me qymyr aktiv, • tasat me uthull, • dhe vajrat esencialë në ujë të ngrohtë.
Këto nuk e mbulojnë aromën, por e neutralizojnë dhe veprojnë brenda 30 minutash. Në kombinim me një ajrosje të shkurtër, dhoma merr një aromë të pastër e të thatë edhe nëse pak më parë ka qenë plot me mysafirë që kanë tymosur.
