Një seri manovrash janë përdorur nga Belinda Balluku, për të përfituar një vilë luksoze me pishinë në një...
LIFESTYLE
Si t’i thuash mikes tënde të ngushtë që partneri e tradhton?
PiranjatPërditësimi i fundit 14 Nëntor 2025, 11:16
As nuk duam ta kalojmë nëpër mend këtë situatë kaq të sikletshme, por ja që mund të ndodhë të përballesh një ditë.
“Kjo është një temë e ndërlikuar”, thotë për “Bustle” terapistja e martesës dhe familjes, Erika Labuzan-Lopez. “Ndonjëherë ne duhet t’u bëjmë të ditur miqve tanë lajme të këqija nëse kjo gjë është për të mirën e tyre. Por njerëzit kanë pikëpamje të ndryshme nëse do të dëshironin apo jo të dinin nëse partneri i tyre po tradhton në radhë të parë”.
Nëse jeni gati t’i tregoni të dashurit tuaj se partneri po e tradhton, ja çfarë duhet të bëni:
Besojini instiktit
Gjërat mund të mos jenë asnjëherë ashtu siç duken, ndaj mos bëni hamendësime, por besojini instiktit. Më tej, gjeni shenja që ju ndihmojnë të dalloni nëse vërtet ka diçka që nuk shkon. Nëse ju e keni parë duke bërë diçka të dyshimtë dhe ai ju shmanget, atëherë gjërat vërtet nuk po shkojnë mirë.
Jepi atij një shans
Në momentin që e dini me siguri se ai po bën diçka të keqe, flisni më parë me të se sa me shoqen tuaj. Gjëja e parë që duhet të bëni është që t’i jepni atij mundësinë që të përballet drejtpërdrejt me këtë problem. Nëse ai refuzon të flasë me ju për këtë çështje, atëherë është moment t’i drejtoheni mikeshës suaj.
Bëjeni bisedën sy më sy
Mos përdorni kurrë mesazhet apo një telefonatë për të dhënë lajme të tilla. Më mirë takohuni me shoqen tuaj në një kafene ose në shtëpi, pasi ajo do të ketë nevojë për mbështetjen tuaj.
Thoni atë që dini dhe më pas tërhiquni
Duke qenë se keni marrë vendimin t’i thoni dikujt një gjë kaq të dhimbshme, duhet të kuptoni se jeni futur në një pjesë shumë private të jetës së saj. Ndaj pasi të kenë thënë ato që dini, përgjegjësia juaj mbaron dhe detyra juaj e vetme është që t’i qëndorni asaj pranë. Gjithashtu duhet të kuptoni se përgjigja e saj emocionale do të kaojë në shumë faza, ndaj do t’i duhet pak kohë që të vendosë ç’do të bëjë dhe ju nudk duhet ta nxisni të marrë vendime të menjëhershme.
Pas kësaj, mbajeni këtë informacion për vete
Pasi të keni bërë pjesën më të vështirë, puna juaj është e thjeshtë: Thjesht qëndrojini pranë shoqes suaj dhe mbajeni gojën të kyçur. Mjafton sikleti i faktit që një shoqja jote zbuloi se i dashuri të tradhton. Sigurojeni se nuk do t’i thoni askujt për këtë çështje, në mënyrë që t’i jepni asaj pakëz qetësi mendore në këtë fazë stresuese.
