Në korrik të këtij viti, në media u raportua se “vila e partisë” në fshatin Mborje të Korçës ishte dj...
LIFESTYLE
Fundjava me reshje shiu, meteorologia tregon si pritet të nisë java
PiranjatPërditësimi i fundit 10 Tetor 2026, 16:05
Meteorologia Lajda Porja bëri parashikimin e motit, ku tha se kjo fundjavë do të jetë nën mbizotërimin e reshjeve, ndërsa fillimjava do të jetë me mot të qëndrueshëm.
Sipas saj, reshjet herë pas here do të jenë me intensitet të lartë, kryesisht në qytete si Shkodra, Lezha, Durrësi, Tirana dhe Elbasani. Ndërkohë, Porja theksoi gjithashtu se temperaturat do të jenë afërsisht 25 gradë, ndërsa shtoi se java e fundit e tetorit do të ketë sërish një episod të reshjeve.
“Ne sot presim që të kemi reshje. Reshjet do të jenë si fillim në veri rreth mesditës dhe në pjesën e dytë të ditës do të përfshijnë të gjithë territorin. Pasditja e të shtunës nga mbrëmje dhe gjatë natës do ketë reshje. Herë pas here intensiteti mesatar, po do ketë momente që do ketë edhe reshje me intensitet lokalisht intensiv si Shkodra, Lezha, Durrësi, Tirana, Elbasani.
Presim që të kemi gjatë pasdites dhe në mbrëmje dhe gjatë natës do jetë jugu, kryesisht qarku i Vlorës, i cili do marri reshje në formë rrebeshi. Parashikohet në fakt që gjatë natës edhe paraditja e të dielës do mbetet me rrebeshe shiu. Herë pas here reshjet do të jetë edhe në formë shtrëngatash dhe më pas kemi në pjesën e dytë e të dielës ku fillon gradualisht përmirësohet moti. Zhvendosen reshjet drejt zonave malore dhe nga e hëna dhe e marta ku mbeten shumë pak reshjet vetëm në skajin verilindor juglindor presim të mërkurën dhe në vijim shumë ditë me diell dhe më të qëndrueshëm.
Pra mbetet situata e paqëndrueshme, ku shirat do të jenë më problematikë sonte, pasdite gjatë natës dhe paraditen e të dielës. E hëna dhe e marta shumë pak reshje vetëm në zonat malore dhe nga e mërkura deri nga data 21 do të kemi mot më të qëndrueshëm diell dhe pa reshje dhe ka sinjale që në javën e fundit, pra pas datës 21, është një tjetër sistem vranësirash i cili do të na risjellë sërish reshje në territor.
Nëse flasim për temperaturat, në fakt tashmë ka ardhur momenti që ne të dalim në një veshje vjeshte duke qenë se ka startuar tetori me temperatura mjaft të larta.
Megjithatë mëngjeset janë relativisht të ngrohta ku minimalja është 10 apo 11, por maksimumi është rreth vlerës 245 gradë dhe parashikohet që përgjatë javës të luhaten pothuajse në këto vlera.
Nuk është se do të kemi një rritje apo rënie drastike, po mbetemi 24-25 gradë zona të izoluara edhe 26° kryesisht Elbasani apo Berati.
Moti me reshje sot, nesër dhe zonat malore dhe të hënën dhe të martën nga e mërkura deri në datën 21 do të kemi diell, do kemi mot të qëndrueshëm, vranësira, por jo reshje. Java e fundit e tetorit sërish do ketë një tjetër episod me reshje”, u shpreh Porja për Euronews Albania.
